प्रत्येक कर्मचाऱ्याचे पीएफ अकउंट असते. पीएफ खात्यात दर महिन्याला कर्मचाऱ्याच्या अकाउंटमधून काही रक्कम जमा केली जाते.पीएफ खातेधारकांसाठी महत्त्वाची बातमी आहे. आता पीएफसाठीचा नॉमिनी हा लग्नानंतरही वैध राहणार आहे. असा निर्णय हायकोर्टाने दिला आहे.

जर लग्नाआधी तुम्ही पीएफ नॉमिनी म्हणून आईचे नाव लावले असेल तर लग्नानंतर ते अवैध ठरत नाही. तुमच्या पीएफ खात्यातील नॉमिनी जर तुम्हाला बदलायचा असेल तर तुम्हाला त्यासाठी लेखी अर्ज द्यावा लागणार आहे. नॉमिनी बदलण्यासाठी लेखी अर्ज द्यावा लागणार असल्याचा निर्वाळा मुंबई हायकोर्टाने दिला आहे.

पीएफ खात्यात दर महिन्याला काही रक्कम जमा केली जाते.पीएफ खात्यातील गुंतवणूक ही सुरक्षित असते. पीएफ खात्यात सर्वाधिक व्याजदर मिळते.ही रक्कम तुम्ही कधीही काढू शकतात. सेवानिवृत्तीनंतर ही रक्कम तुम्हाला मिळते. दरम्यान, पीएफ खात्यासाठी नॉमिनी लावायचा असतो.

जर कर्मचाऱ्याला कधी काही झाले तर पीएफ खात्यातील रक्कम ही नॉमिनीला दिली जाते. पीएफ खात्यात नॉमिनी कोणाला लावायचे असते हे स्वतः कर्मचाऱ्याने ठरवायचे असते. लग्नानंतर जर तुम्हाला नॉमिनी बदलायचा असेल तर लेखी अर्ज सादर करावा लागेल. भविष्य निर्वाह निधी संघटनेकडे तुम्ही अर्ज सादर केल्यावर तुमचा नॉमिनी बदलला जाणार आहे. त्यामुळे लग्नानंतर जर बायको किंवा मुलांची नावे नॉमिनी म्हणून लावायचे असतील तर अर्ज सादर करणे गरजेचे आहे.