पॅन कार्ड हे प्रत्येकासाठी महत्त्वाचे असते. बँक अकाउंट उघडण्यापासून ते आयटीआर फाइल करण्यासाठी पॅन कार्ड लागते. तुम्हाला जर गुंतवणूक करायची असेल,पैशासंबंधित प्रत्येक व्यव्हारांसाठी पॅन कार्ड गरजेचे आहे. दरम्यान, आता पॅन कार्डबाबत निर्णय घेण्यात आला आहे. जर तुम्ही आधार आणि पॅन कार्ड लिंक केले नाही तर तुम्हाला अडचणी येऊ शकतात.

आधार आणि पॅन कार्ड लिंक करणे अनिवार्य केले आहे. तुम्हाला ३१ डिसेंबर २०२५ आधी आधार आणि पॅन कार्ड लिंक करायचे आहे. जर तुम्ही हे काम केले नाही तर तुमचे पॅन कार्ड बंद होऊ शकते. यामुळे तुम्हाला भविष्यात खूप अडचणी येऊ शकतात.

पॅन कार्डशिवाय तुमचे बँकेचे कोणतेही काम होत नाही. अकाउंट उघडण्यापासून ते एफडी तयार करण्यासाठी पॅन कार्ड गरजेचे आहे. त्यामुळे तुम्ही सर्वात आधी आधार आणि पॅन कार्ड लिंक करुन घ्या.

आधार-पॅन कार्ड लिंक कसं करायचं? (How to Link Aadhaar with Pan Card Online)

1. तुम्ही ऑनलाइन पद्धतीने ५ मिनिटात आधार पॅन कार्ड लिंक करु शकतात.

2. सर्वात आधी तुम्हाला आयकर विभागाच्या अधिकृत वेबसाइटवर जायचे आहे.

3. तिथे तुम्हाला Link Aadhaar असा ऑप्शन दिसेल. त्यावर क्लिक करा.

4. यानंतर तुमच्यासमोर एक लिंक ओपन होईल. तिथे तुम्हाला पॅन, आधार कार्ड नंबर टाकायचे आहे. त्यानंतर तुमचे नाव टाकायचे आहे.

5. यानंतर तुमच्या आधारशी लिंक मोबाईल नंबरवर ओटीरी येईल तो टाकावा.

6. आधार कार्ड आणि पॅन कार्ड लिंक करण्यासाठी तुम्हाला १००० रुपये भरावे लागणार आहे. पेमेंट झाल्यावर तुम्हाला मेसेज येईल.

7. यानंतर तुमची आधार आणि पॅन लिंकची प्रोसेस सुरु होईल. तुम्हाला एक acknowledgement number मिळेल. या नंबरवरुन तुम्ही आधार पॅन लिंकचा स्टेट्‍स चेक करु शकतात.