संघटित क्षेत्रात काम करणाऱ्या प्रत्येक व्यक्तीचे पीएफ (PF) अकाउंट हे असतेच. पीएफ अकाउंटमधील रक्कम ही एक गुंतवणूक असते. ही रक्कम तुम्हाला सेवानिवृत्तीनंतर मिळते. परंतु ही रक्कम तुम्ही तुमच्या काही कामांसाठी काढू शकतात. यामध्ये तुम्ही मुलांचे लग्न, घरांचे काम, वैद्यकीय मदतीसाठी पैसे काढू शकतात. परंतु हे पैसे काढण्यासाठी खूप मोठी प्रोसेस होती. परंतु आता ही सुविधा सोपी होणार आहे. आता तुम्ही यूपीआय (UPI) किंवा एटीएमद्वारे (ATM) पीएफचे पैसे काढू शकणार आहात.

पीएफच्या (PF) या नवीन बदलामुळे कोट्यवधी कर्मचाऱ्यांना फायदा होणार आहे. याबाबत श्रम आणि रोजगार मंत्रालयाचे सचिव सुमिता डावरा यांनी माहिती दिली आहे. मे किंवा जून महिन्याच्या अखेरपर्यंत ही नवीन सुविधा सुरु होणार आहे.

EPFO ने UPI द्वारे पैसे काढण्याचा दिला पर्याय (PF Withdraw Through UPI)

कर्मचारी भविष्य निर्वाह निधी लवकरच UPI द्वारे पैसे काढण्याचा दिला पर्याय कर्मचाऱ्यांना देणार आहे. श्रम व रोजगार मंत्रालयाने नॅशनल पेमेंट्स कॉर्पोरेशन ऑफ इंडियाच्या शिफारशींना मंजुरी दिली आहे. यामुळे आता लवकरच यूपीआय सेवा सुरु होणार आहे.

PF काढण्याची नवीन प्रोसेस

सुमिता डावरा यांनी सांगितले की, नवीन सिस्टीमअंतर्गत EPFO कर्मचारी १ लाखांपर्यंत पैसे काढू शकतात. हे पैसे ते त्यांच्या बँक अकाउंटमध्ये ट्रान्सफर करु शकतात. याचसोबत UPI द्वारे पीएफ बॅलेंसदेखील चेक करु शकतात.

या नवीन सुविधेमुळे अनेकांना फायदा होणार आहे. पीएफची संपूर्ण प्रक्रिया डिजिटल करण्यासाठी मदत होणार आहे. यामुळे क्लेम प्रोसेसिंगचा वेळ फक्त ३ दिवस होणार आहे. यूपीआयद्वारे जसे तुम्ही पैसे ट्रान्सफर करतात तसाच पीएफ क्लेमदेखील करु शकतात. याचसोबत एटीएममधून पैसे काढू शकतात.

पेन्शनधारकांना फायदा

याबाबत सुमिता डावरा यांनी सांगितले की, याचा सर्वात जास्त फायदा पेन्शनधारकांना होणार आहे. पेन्शनधारक सध्या कोणत्याही बँक शाखेतून पेन्शन (Pension) काढू शकतात. याआधी फक्त काही ठरावीक बँकेतून पैसे काढता येत होते.