Nissan India ची बहुप्रतिक्षित SUV X-Trail भारतीय बाजारात लॉन्च झाली. या एसयूव्हीला दमदार पॉवरट्रेन देण्यात आली आहेत. या एसयूव्हीमध्ये सौम्य हायब्रिड इंजिन आहे. तसेच ही पहिली कार आहे त्यात कंपनीने व्हेरिएबल कॉम्प्रेशन टर्बो तंत्रज्ञान वापरले आहे. तसेच कंपनीने ही कार तीन रंगात लॉन्च केलीय. बाजारात ही कार टोयोटा फॉर्च्युनर कारला टक्कर देईल.

या नवीन SUV कारमध्ये यात स्प्लिट हेडलॅम्पसह V मोशन ग्रिल देखील आहे. तसेच यात प्लास्टिकच्या आवरणासह गोल आकाराच्या चाकांच्या कमानी आहेत. तर डायमंड कट ॲलॉय व्हील आणि एलईडी टेल लॅम्प्सही एसयूव्हीमध्ये देण्यात आलेत. कंपनीने ड्युअल झोन ऑटोमॅटिक क्लायमेट कंट्रोल सिस्टमसह ड्युअल पॅन पॅनोरमिक सनरूफ देखील या कारला दिले आहेत.

या कारमध्ये 8 इंच टचस्क्रीन इन्फोटेनमेंट सिस्टमसह 12.3 इंचाचा डिजिटल ड्रायव्हर डिस्प्ले देखील आहे. यासोबतच यामध्ये वायरलेस चार्जिंग सिस्टीम, कीलेस एंट्री, पुश स्टार्ट बटण, ड्रायव्हिंग मोड, इलेक्ट्रॉनिक पार्किंग ब्रेक आणि क्रूझ कंट्रोल यांसारखी आधुनिक फीचर्स देण्यात आली आहेत. यात 360 डिग्री कॅमेरा देखील देण्यात आलाय.

निसान इंडियाने आपल्या नवीन एसयूव्हीची एक्स-शोरूम किंमत 49.92 लाख रुपये ठेवलीय. पर्ल व्हाईट, डायमंड ब्लॅक आणि शॅम्पेन सिल्व्हर अशा तीन रंगांमध्ये हे बाजारात विकले जाईल. ही कार बाजारात टोयोटा फॉर्च्युनरसारख्या एसयूव्हीला टक्कर देईल. नवीन निसान एक्स-ट्रेल बाजारात फॉर्च्युनरशी स्पर्धा करेल. कंपनीने टोयोटा फॉर्च्युनरमध्ये 2.7 लीटर पेट्रोल इंजिन दिले आहे. हे इंजिन 166 PS च्या पॉवरसह 245 Nm चा पीक टॉर्क निर्माण करते.