करदात्यांसाठी थोड्याच दिवसात आयटीआर फॉर्म जारी केले जातील. यानंतर त्यांना आयटीआर भरायचा आहे. दरम्यान, करदाते टॅक्स वाचवण्यासाठी अनेक मार्ग निवडतात. दरम्यान, जास्त वार्षिक उत्पन्न असलेल्यांना जास्त टॅक्स द्यावा लागतो. २० लाखांचे उत्पन्न असलेल्या तरुणांना जवळपास १ लाख रुपयांना टॅक्स द्यावा लागतो. दरम्यान, तुम्ही आता २० लाखांच्या उत्पन्नावर टॅक्स वाचवू शकतात. नवीन कर प्रणालीअंतर्गत तुम्ही जास्तीत जास्त कर वाचवू शकतात.

नवीन करप्रणालीत अनेक गोष्टींमुळे तुम्ही टॅक्स वाचवू शकतात. यामुळे तुमचे करपात्र उत्पन्न खूप कमी होऊ शकते. त्यामुळे आयटीआर फाइल करण्यापूर्वी हे काम कराच.

जुन्या कर प्रणालीत कलम 80C अंतर्गत गुंतवणूक करुन कर बचत केली जाते. नवीन कर प्रणालीअंतर्गत कर तुमच्या पगार रचनेवर अवलंबून असतो. तुम्ही किती गुंतवणूक करतात त्यापेक्षा जास्त तुमचा सीटीसी कसा आहे यावर कर ठरवला जातो.

जर तुमचा २० लाखांचा सीटीसी असेल तर त्यापेक्षा ५० टक्के म्हणजे १० लाख रुपये मूळ पगार असेल. त्यामध्ये अनेक भत्ते जोडले जाऊ शकतात.

कर कपात कशी करायची?

सर्वात आधी तुम्ही मील बेनिफिटचा विचार करा. जर तुम्ही प्रति मिल २०० रुपये गृहित धरले तर त्यानुसार २२ वर्किंग डेजचे जवळपास १.०५ लाख रुपये टॅक्स फ्री होतात. यानंतर EPF खात्यातील योगदान. तुमच्या बेसिक सॅलरीतील १२ टक्के रक्कम पीएफ खात्यात जमा करतात. यातील १.२ टक्के रक्कमेवर सूट मिळते. यानंतर कलम सेक्शन 80CCD(2)अंतर्गत एनपीएसमध्ये १.४ लाखांवर अतिरिक्त सूट मिळते. यामुळेही तुमचा कर वाचू शकतो.

सर्वात जास्त कर सूट कार लीजवर होते. जर कर्मचारी ८ लाखांच्या कारला दोन वर्षांसाठी लीजवर घेतो तर त्यावर वार्षिक खर्च ४.२३ लाख रुपये येतो. हा पगारात समाविष्ट होतो. हा कर कार्यक्षम अतिरिक्त होतो. यामुळे कर कपात होते. याचसोबत जर तुम्ही इंधन आणि चालकाच्या खर्चावरही दावा करु शकतो.

क्लिअरटॅक्सच्या माहितीनुसार, या सर्व कपातीनंतर तुमचे निव्वळ उत्पन्न १२.११ लाख होईल. त्यावर ७५००० रुपये स्टँडर्ड डिडक्शन होईल. करपात्र उत्पन्न ११.३६ लाख असेल. नवीन कर प्रणालीत १२ लाखांपर्यंत कर सूट मिळते. त्यामुळे तुम्हाला कर भरावा लागणार नाही.