निसान इंडियाने ग्राहकांना आपल्याकडे आकर्षित करण्यासाठ नव्या ऍडिशनला बाजारात उतरवलंय. ग्राहकांच्या गरजा पूर्ण करण्यासाठी सध्याच्या कॉम्पॅक्ट एसयूव्ही मॅग्नाइटची कुरो ऍडिशन बाजारात आणली आहे. या कारमध्ये ५५ हून अधिक सुरक्षा फीचर्स आणि २० हून अधिक प्रथम श्रेणीतील फीचर्स समाविष्ट करण्यात आली आहेत. या नवीन ऍडिशनच्या बाह्य आणि अंतर्गत भागाला गडद थीमचा टच देण्यात आला आहे. मॅग्नाइट कुरोमध्ये आणखी काय खास आहे आणि ते खरेदी करणे फायदेशीर ठरेल का? हे जाणून घेऊया. (Nissan Magnite KURO Edition Launched with 55+ Safety Features)

नवीन निसान मॅग्नाइट कुरो स्पेशल ऍडिशनची किंमत ८.३० लाख ते १०.८६ लाख रुपयांपर्यंत आहे. तुम्हाला ही कार घ्यायची असेल तर तुम्ही ही कार फक्त ११ हजार रुपयांचे टोकन रक्कम देऊन बुक करू शकतात. KURO स्पेशल ऍडिशन जपानी Boldest Black तत्वावर आधारित आहे. यात इंटीरियर ब्लॅक थीम आणि जपानी-प्रेरित डिझाइन आहे.

नवीन ऍडिशनच्या काही ठळक फीचर्सबद्दल सांगायचे झाले तर, 'KURO' लोगो मॅग्नाइटमध्ये दिसेल. याशिवाय,१६-इंच डायमंड कट अलॉय व्हील्स, ब्लॅक डोअर हँडल, पियानो ब्लॅक कलर फ्रंट ग्रिल, फ्रंट आणि रियर स्किड प्लेट्स आणि ग्लॉस ब्लॅक रूफ रेल यांसारखी फीचर्स काळ्या रंगात उपलब्ध आहेत.

याशिवाय या नवीन ऍडिशन सिग्नेचर ब्लॅक एलईडी हेडलॅम्प देखील दिसतात. इंटीरियरबद्दल बोलायचे झाले तर, येथे मिडनाईट थीम दिसते. पियानो ब्लॅक फिनिश गियर शिफ्ट नॉब देखील देण्यात आला आहे. कारमध्ये ब्लॅक वायरलेस चार्जर आणि डॅश कॅमची सुविधा देखील आहे. सुरक्षेसाठी या वाहनात ६ एअरबॅग्ज, अँटी-लॉक ब्रेकिंग, EBD, ESC, TCS, HSA, ब्रेक असिस्ट आणि TPMS सारखे फीचर्स आहेत. मॅग्नाइटला सुरक्षिततेमध्ये ५-स्टार रेटिंग मिळाले आहेत.

डायमेंशन

लांबी - 3994mm

रुंदी - 1758mm

उंची - 1572mm

व्हीलबेस- 2500mm

ग्राउंड क्लीयरेंस-205mm

निसान मॅग्नाइट कुरो स्पेशल ऍडिशन खरेदी करावी का?

निसान मॅग्नाइट ही एक चांगली कॉम्पॅक्ट एसयूव्ही आहे. तिचे बेस मॉडेल सुमारे ६.१४ लाख रुपयांपासून सुरू होते. फक्त नवीन ऍडिशनसाठी २ लाख रुपये जास्त देणे फायदेशीर नाही. त्यामुळे तुम्ही इतर पर्याय शोधू शकता.