इन्फोसिस हा कंपनी जगातील टॉप आयटी कंपनींपैकी एक आहे. इन्फोसिसचे संस्थापक नारायण मूर्ती हे नेहमीच चर्चेत असतात. नारायण मूर्ती यांनी पुन्हा एकदा कामाच्या वेळेबद्दल वक्तव्य केलं आहे. त्यांच्या या वक्तव्यामुळे सोशल मीडियावर त्यांच्यावर टीका केली जात आहे.

नारायण मूर्ती यांनी याआधी आठवड्याला ७० तास काम करावे, असं सुचवलं होतं. त्यानंतर आता त्यांनी आठवड्याभरात ७२ तास काम करण्याच्या संकल्पनेला समर्थन दिले आहे.यासाठी त्यांनी चीनच्या कामाच्या धोरणाबद्दल उदाहरण दिले आहे.

नारायण मूर्ती काय म्हणाले? (Narayan Murthy)

मिडिया रिपोर्टनुसार, नारायण मूर्ती यांनी एका मुलाखतीत याबाबत वक्तव्य केलं होते. त्यांनी चीनच्या 9-9-6 कामाबद्दल उदाहरण दिले आहे. त्यांनी सांगितले की, चीनमध्ये कामाबद्दल एक फॉर्म्युला आहे ९-९-६. याबद्दत तुम्हाला माहितीये का? ९-९-६ म्हणजे आठवड्याचे ६ दिवस रोज सकाळी ९ ते रात्री ९ पर्यंत काम, भारतातील तरुणांनीदेखील अशाच प्रकारे कामाचे टाईमटेबल स्विकारायला हवे. आधी आयुष्य घडवा, नंतर काम आणि आयुष्य यातील बॅलन्सची काळजी करा, असं त्यांनी सांगितले.

नारायण मूर्तींच्या या विधानावर सोशल मीडियावर खूप टीका होत आहे. तसेच अनेकांनी युरोपमधील कामाच्या मॉडेलबाबतही माहिती दिली आहे.

आरोग्यावर परिणाम

यावर सोशल मीडियावर खूप टीका होत आहे. यामुळे शरीरावर परिणाम होत असल्याचे अनेकांनी सांगितले. अतिरिक्त काम केल्यामुळे त्यांचे आरोग्य, मानसिक आरोग्यावर वाईट परिणाम होत असल्याचे सांगितले आहे. याआधीही नारायण मूर्ती यांनी कामाचे तास वाढवण्याचा सल्ला दिला होता. यामुळेदेखील त्यांच्यावर टीका झाली होती.