मुलींच्या भविष्यासाठी सरकारने अनेक योजना राबवल्या आहेत. मुलींना उत्तम शिक्षण मिळावे,यासाठी आर्थिक मदत केली जाते. वेगवेगळ्या राज्य सरकारने मुलींसाठी वेगवेगळ्या योजना राबवल्य आहेत. राजस्थान सरकारने मुलींसाठी खास मुख्यमंत्री राजश्री योजना राबवली आहे. या योजनेअंतर्गत मुलींना जन्मपासून ते शिक्षणापर्यंत मदत केली जाते.

मुख्यमंत्री राजश्री योजना (Mukhyamantri Rajshri Yojana)

राजस्थान सरकारने २०१६ साली ही योजना सुरु केली आहे. या योजनेत सरकार मुलींच्या आई-वडिलांना मदत करतात. या योजनेत मुलींना ५०,००० रुपये दिले जातात. फक्त योजनेत अर्ज करणारी मुलगी ही राजस्थानची रहिवसी असावी.

एका कुटुंबातील फक्त २ मुलींना या योजनेचा लाभ मिळणार आहे. या योजनेसाठी अर्ज करताना मुलगी मोठी झाल्यानंतर तिचा १२वीचा दाखला, आई-वडिलांचे आधार कार्ड, बँक डिटेल्स, ममता कार्ड, शाळेचा दाखला, मोबाईल नंबर, पासपोर्ट साइज फोटो हे सर्व कागदपत्रे आवश्यक आहेत.

सहा हप्त्यांमध्ये मिळतात पैसे

मुलींच्या भविष्यासाठी, आरोग्यासाठी आणि देखभालीसाठी ही योजना राबवण्यात आली आहे. मुलगी जन्माला आल्यापासून ते १२ वी पास होईपर्यंत हे पैसे दिले जातात. पहिला हप्ता मुलीच्या जन्मानंतर दिला जातो. मुलीला २५०० रुपये मिळतात. यानंतर पहिल्या वर्षी लसीकरण केल्यानंतर २५०० रुपये दिले जातात. यानंतर मुलगी पहिलीत गेल्यावर ४००० रुपये दिले जातात. चौथा हप्ता मुलगी सहावीत गेल्यावर दिला जातो. तेव्हा मुलीला ५००० रुपये देतात. मुलगी दहावीत गेल्यावर तिला ११,००० रुपये दिले जातात. यानंतर मुलगी १२वीत गेल्यावर तिला शेवटचा २५००० रुपये हप्ता दिला जातो.

अर्ज कसा करावा?

मुख्यमंत्री राजश्री योजनेत अर्ज करण्यासाठी तुम्ही ऑनलाइन पद्धतीने https://jankalyan.rajasthan.gov.in/ या वेबसाइटवर जाऊन अर्ज करु शकतात. यामध्ये आवश्यक माहिती आणि कागदपत्रे अपलोड करायची आहेत. तसेच तुम्ही ऑफलाइन पद्धतीने राजस्थानमधील कोणत्याही सरकारी हॉस्पिटलमध्ये जाऊन अर्ज करु शकतात.