देशातील कोट्यवधी WhatsApp युजर्सला मोठा दणका बसला आहे. SIM-Binding नियमाबाबत चित्र स्पष्ट होताना दिसत आहे. आता केंद्र सरकारच्या नियमानुसार मेसेंजिग अॅप्ससाठी SIM कार्ड अकाऊंटशी जोडणे अनिवार्य असणार आहे.

सरकार १ मार्चपासून कडक पावले उचलणार आहे. दूरसंचार विभागाने DoT ने OTT मेसेजिंग अॅप्सला स्पष्ट निर्देश दिले आहे की, युजर्सला अंकाऊंट अॅक्टिव्ह SIM कार्डशी जोडणे अनिवार्य असणार आहे.

तुमच्या मोबाईलमध्ये सिम कार्ड नसेल, त्याच मोबाईलमध्ये WhatsApp किंवा Telegram सुरू असेल. तर ते अकाऊंट बंद होऊ शकते. भारतात WhatsApp चे सर्वाधिक युजर्स वेगवेगळ्या मोबाईलमध्ये एकाच नंबरचे WhatsApp वापरतात. आता नव्या नियमामुळे कोट्यवधी युजर्सला फटका बसणार आहे.

मीडिया रिपोर्टनुसार, केंद्रीय मंत्री ज्योतिरादित्य सिंधिया यांनी स्पष्ट केलं आहे की, 'युजर्सची सुरक्षा महत्वाची आहे. SIM-Binding च्या नियमात कोणताही बदल होणार नाही. पण सरकारने डिजिटल फसवणूक आणि बोगस नंबरच्या माध्यमातून होणारे अपराध रोखण्यासाठी पाऊल उचलणे गरजेचे आहे'.

Sim Binding ने कोणावर काय परिणाम होणार?

जे युजर एका सिम कार्डचा वापर करून वेगवेगळ्या मोबाईलमध्ये व्हाट्सअॅप वापरतात. तसेच काही जण वारंवार सिमकार्ड बदलत असतात.

WhatsApp Web आता सहा तासानंतर लॉगआऊट होईल. ते पुन्हा सुरू करण्यासाठी QR कोड स्कॅन करावे लागेल.

60-80 टक्क्यांपर्यंत छोट्या व्यावसायिकांच्या कामकाजात अडथळा येऊ शकतो.