केंद्रासोबतच राज्य सरकारनेही मुलींसाठी काही योजना राबवल्या आहे. मुलींच्या शिक्षणापासून ते त्यांच्या लग्नापर्यंत आर्थिक मदत केली जाते. यासाठीच महाराष्ट्र सरकारने लेक लाडकी योजना सुरु केली आहे. लेक लाडकी योजनेत तुमची मुलगी जसजशी मोठे होते तसतसे तिच्या नावाने पैसे दिले जातात. अनेक हप्त्यांमध्ये हे पैसे दिले जातात. या योजनेत मुलींना आर्थिक मदत केली जाते.

लेक लाडकी योजनेत मुलींना १,०१,००० रुपये दिले जातात. या योजनेत तुमची मुलगी १८ वर्षांची होईपर्यंत पैसे दिले जातात. मुलींचा जन्म झाल्यावर ५००० रुपये दिले जातात. त्या पहिलीत गेल्यावर ६००० रुपये दिले जातात. त्यानंतर मुलगीत सहावीत गेल्यावर ६००० रुपये दिले जात.

मुलीचे दहावीचे शिक्षण झाल्यावर अकरावीत प्रवेश घेतात. तेव्हा त्यांना ८००० रुपये दिले जातात. मुलगी १८ वर्षांची होईल तेव्हा तिला ७५००० रुपये दिले जातात. या रक्कमेतून मुलींच्या शिक्षणाचा खर्च निघेल. त्यामुळे त्यांना मदत होणार आहे.

लेक लाडकी योजनेचा लाभ फक्त गरीब कुटुंबातील मुलींना मिळणार आहे. केशरी आणि पिवळे रेशनकार्ड असलेल्यांनाच या योजनेचा लाभ मिळणार आहे. तसेच त्यांच्या कुटुंबाचे उत्पन्न १०,००० रुपयांपेक्षा जास्त नसावे.

महाराष्ट्रातून भरपूर प्रतिसाद

लेक लाडकी योजनेत २०२३ नंतर जन्मलेल्या मुलींना लाभ मिळणार आहे. या योजनेत आतापर्यंत १ लाख ५८ हजार ६५२ मुलींनी लाभ घेतला आहे. यामध्ये नाशिक जिल्ह्यातील १० हजार ११८ मुलींनी लाभ घेतला आहे. नाशिकमधील सर्वाधिक मुली लाडकी लेक योजनेच्या लाभ घेतात. त्यानंतर कोल्हापूर आणि सोलापूरमधील मुलींनी सर्वाधिक लाभ घेतला आहे. मुंबईत फक्त १०० मुलींनी लाभ घेतला आहे.