भारत सरकारने महिलांसाठी अनेक योजना राबवल्या आहेत. महिलांनी स्वतः च्या पायावर उभे राहावे,त्या आर्थिकदृष्ट्या स्वावलंबी व्हाव्यात, या दृष्टीने योजना राबवल्या आहेत. दरम्यान, केंद्र सरकारने महिलांसाठी लखपती दीदी योजना राबवण्यात आली आहे. या योजनेत महिलांना स्वतः चा व्यवसाय सुरु करण्यासाठी आर्थिक मदत दिली जाते.

लखपती दीदी योजना (Lakhpati Didi Yojana)

२०२३ मध्ये सरकारने लखपती दीदी योजना सुरु केली होती. या योजनेत महिलांना बिझनेस सुरु करण्यासाठी ट्रेनिंग दिले जाते. यासाठी काही पात्रता निश्चित करण्यात आली आहे. या निकषांमध्ये बसणाऱ्या महिलांनाच योजनेचा लाभ मिळतो.

लखपती दीदी योजनेत महिलांना कोणत्याही व्याजाशिवाय कर्ज दिले जाते. महिलांनी स्वतः चा व्यवसाय सुरु करावा, यातून रोजगाराच्या संधी निर्माण व्हाव्यात. त्यासाठी ही योजना राबवण्यात आली आहे. या योजनेत महिलांना १ ते ५ लाखांपर्यंत कर्ज दिले जाते. तुमच्या बिझनेसनुसार हे पैसे दिले जाणार आहे.

लखपती दीदी योजनेत आतापर्यंत कोट्यवधी महिलांनी लाभ घेतला आहे. महिलांना आर्थिक मदतीसोबतच स्कील ट्रेनिंगदेखील दिले जाते. यामध्ये अनेक क्षेत्रातील प्रोफेशनल्सकडून प्रशिक्षण दिले जातात. बचत गटातील महिला या योजनेचा लाभ घेऊ शकतात.

बिझनेस प्लान सादर करावा लागेल

लखपती दीदी योजनेत १८ ते ५० वयोगटातील महिलांना लाभ मिळणार आहे. या योजनेतील महिला भारतातील रहिवासी असाव्यात. महिला बचत गटाशी जोडलेल्या असाव्यात. या योजनेचा लाभ घेण्यासाठी उमेदवारांना बिझनेस प्लान जमा करावा लागेल. याचसोबत आधार कार्ड, उत्पन्नाचा दाखला ही कागदपत्रे आवश्यक आहेत.