लाडकी बहीण योजना महाराष्ट्रात सध्या चर्चेचा विषय ठरतेय. या योजनेचा लाभ महाराष्ट्रातल्या कोटींहून अधिक महिलांनी घेतला आहे. गेल्या काही दिवसांपासून ईकेवायसी प्रोसेसे सुरु होती आणि त्यात पात्र महिलांची पडताळणी केली जात होती. त्यातच आनंदाची बातमी बातमी म्हणजे १५ जूनपासून मे महिन्याचा हप्ता खात्यात सुरुवात झाली. पण आता लाडक्या बहि‍णींना धक्का बसणार आहे.

कोणत्या महिलांचा हप्ता बंद होणार? (Ladki Bahin Yojana)

मुख्यमंत्री माझी लाडकी बहीण योजनेचा लाभ घेणाऱ्यांसाठी मोठी बातमी समोर आली आहे. नागपूर जिल्ह्यातल्या १ लाखांपेक्षा जास्त महिला या योजनेसाठी अपात्र ठरण्याची शक्यता आहे. शासनाने या योजनेच्या लाभ घेणाऱ्या सर्व महिलांना ईकेवायसी पूर्ण करणं अनिवार्य केलं होतं. आता यासाठी कोणतीही मुदतवाढ दिली जाणार नसल्याचं स्पष्ट करण्यात आलं आहे.

तपासणीदरम्यान काही महिलांनी चुकीची माहिती देऊन किंवा उत्पन्नाबद्दल खोटे दाखले देऊन या योजनेचा लाभ घेतल्याची माहिती समोर आली आहे. याचसाठी शासनाने आयकर विभाग आणि आरटीओच्या डेटाबेसचा वापर करून पडताळणी केली. ज्या कुटुंबातले सदस्य आयकर भरतात किंवा ज्यांच्या नावावर चारचाकी वाहनं आहेत, अशा महिलांना योजनेच्या नियमांनुसार अपात्र ठरवण्यात आलं. त्यामुळे अशा लाभार्थ्यांना योजनेतून वगळण्यात आलं.

दरम्यान काही पात्र महिलांना तांत्रिक कारणांमुळे अद्याप एकही हप्ता मिळालेला नाही. अशा महिलांच्या अर्जांची फेरतपासणी केली जाणार जाईल. त्यामध्ये ज्या महिला पात्र आढळतील त्यांना योजनेचा लाभ मिळू शकतो. मात्र ईकेवायसी न करणाऱ्या किंवा चुकीची माहिती देणाऱ्या महिलांसाठी योजनेचे दरवाजे आता बंद झाल्याचे संकेत प्रशासनाकडून देण्यात आले आहेत. त्यांना मे महिन्याचा हप्ता सुद्धा दिला जाणार नाही. तर काहींकडून वसूली होण्याचीही शक्यता आहे.