लाडकी बहीण योजनेबाबत महत्त्वाची माहिती समोर आली आहे. लाडकी बहीण योजनेत आता लवकरच महिलांच्या खात्यात सप्टेंबरचा हप्ता जमा केला जाणार आहे. याबाबत हालचाली सुरु झाल्या आहेत. राज्याच्या सामाजिक न्याय विभागाकडून सप्टेंबर महिन्याच्या हप्त्यासाठी निधी वर्ग करण्यात आला आहे. त्यामुळे आता महिलांना सप्टेंबर आणि ऑक्टोबरचा हप्ता एकत्र मिळणार नसल्याचे चिन्हे दिसत आहे.

सप्टेंबर-ऑक्टोबरचा हप्ता एकत्र येणार नाही

लाडक्या बहि‍णींना सप्टेंबरचा हप्ता मिळण्यास उशिर झाला आहे. ऑक्टोबर महिन्याचा पहिला आठवडा उलटून गेला तरीही त्यांच्या खात्यात पैसे जमा झाले नाहीत. दरम्यान, त्यानंतर सप्टेंबर आणि ऑक्टोबर महिन्याचा हप्ता एकत्र येईल, अशी चर्चा सुरु झाली होती. परंतु आता महिलांच्या खात्यात ३००० रुपये एकत्र येणार नसल्याचे दिसत आहे.

सप्टेंबरच्या हप्त्यासाठी निधी वर्ग (Ladki Bahin Yojana September Installment Date)

सप्टेंबरच्या हप्त्यासाठी तब्बल ४१० कोटींचा निधी वर्ग करण्यात आला आहे. परंतु ऑक्टोबरच्या हप्त्यासाठी निधी वर्ग करण्यात आलेला नाही. ऑक्टोबरच्या हप्त्यासाठीही निधी वर्ग झाला की मग ऑक्टोबरचे १५०० रुपयेदेखील खात्यात जमा होती. मात्र, याबाबत कोणतीही हालचाल सुरु नाहीये. त्यामुळे सप्टेंबर आणि ऑक्टोबरचा हप्ता एकत्र न येण्याची शक्यता वर्तवली जात आहे. दरम्यान, याबाबत अधिकृत माहिती समोर आलेली नाही. मात्र, सप्टेंबरचा हप्ता लवकरच दिला जाणार आहे.

या महिलांना मिळणार लाडकी बहीण योजनेचा हप्ता (These Women Will Not Get Ladki Bahin Yojana Installment)

लाडकी बहीण योजनेचे काही निकष ठरवून देण्यात आले आहे. या निकषात बसणाऱ्या महिलांनाच योजनेचा लाभ मिळणार आहे. त्यात अजून एक निर्णय घेण्यात आला आहे. तो म्हणजे लाडक्या बहि‍णींना केवायसी करणे अनिवार्य केले आहे. केवायसी केले नाही तर तुम्हाला योजनेचा लाभ मिळणार नाही. दरम्यान, यासाठी दोन महिन्याचा कालावधी देण्यात आला आहे. या दोन महिन्यात महिलांना केवायसी करायची आहे.