नोव्हेंबर महिन्याचा शेवटचा आठवडा सुरु झाला आहे.त्यामुळे लाडकी बहीण योजनेत नोव्हेंबरचे पैसे कधी येणार असा प्रश्न सध्या विचारला जात आहे. अजूनही हप्त्याबाबत कोणतीही घोषणा झालेली नाही. लवकरच याबाबत अधिकृत माहिती दिली जाईल. दरम्यान, आता लाडकी बहीण योजनेतील लाभार्थ्यांना केवायसी करणे अनिवार्य केले आहे. जर तुम्ही केवायसी केले नाही तर तुम्हाला योजनेचा लाभ मिळणार नाही का असा प्रश्न सध्या विचारला जात आहे.

अजूनही केवायसी नाही, लाडकीला ₹१५०० मिळणार का? (If KYC Not Done Then Women Will Get November Installment Or Not)

लाडकी बहीण योजनेत केवायसीसाठी मुदत वाढवून देण्यात आली आहे. आता महिलांनी ३१ डिसेंबरआधी ईकेवायसी पूर्ण करायचे आहे. या कालावधीतदेखील तुम्ही केवायसी केले नाही तर तुम्हाला योजनेचा लाभ मिळणार नाहीये. दरम्यान, त्याआधीचा नोव्हेंबरचा हप्ता मिळणार की नाही असा प्रश्न अनेकांना पडलेला आहे.

नोव्हेंबरचा हप्ता सर्व लाभार्थी महिलांना मिळणार की फक्त केवायसी केलेल्या महिलांना मिळणार याबाबत अद्याप कोणतीही अधिकृत माहिती समोर आलेली नाही. मात्र, ऑक्टोबरचा हप्ता हा सर्व लाभार्थी महिलांना मिळाला होता. त्यामुळे जोपर्यंत केवायसीची मुदत संपत नाही तोपर्यंत सर्व लाभार्थी महिलांना लाभ मिळण्याची शक्यता आहे. याबाबत अधिकृत माहिती लवकरच येईल. त्यानंतरच केवायसी न केलेल्या महिलांना लाभ मिळणार की नाही याबाबतचे चित्र स्पष्ट होईल.

नोव्हेंबरचा हप्ता लांबणीवर जाणार? (Ladki Bahin Yojana November Installment Update)

नोव्हेंबरचा शेवटचा आठवडा सुरु झाला आहे. तरीही अद्याप हप्त्याबाबत कोणतीही घोषणा करण्यात आलेली नाही. त्यामुळेच या महिन्याचा हप्ता लांबणीवर जाण्याची शक्यता वर्तवली जात आहे. मागील अनेक महिन्यांपासून हप्ते लांबणीवर जात आहेत. ऑक्टोबरचा हप्तादेखील नोव्हेंबर महिन्यात दिला होता. त्यामुळे नोव्हेंबरचे पैसेदेखील पुढच्या महिन्यात देणार की काय असा प्रश्न अनेकांच्या मनात आहे.