लाडकी बहीण योजना सध्या चर्चेत आली आहे. लाडकी बहीण योजनेचे निकष बदलणार असल्याची चर्चा सध्या सुरु आहे. मात्र, यावर आदिती तटकरेंनी स्पष्टीकरण दिले आहे. या योजनेबाबत गैरसमज करुन घेतला आहे. अडीच लाखा पेक्षा कमी उत्पादन असलेल्या महिलांना या योजनेचा लाभ घेता येणार आहे, असं त्यांनी सागितलं आहे. दरम्यान, यानंतर आता लाडकी बहीण योजनेच्या अर्जांची पडताळणी केली जाणार आहे.

लाडकी बहीण योजनेच्या अर्जांची तपासणी सध्या केली जात आहे. लाडकी बहीण योजनेत आता महिलांचे उत्पन्नदेखील तपासले जाणार आहे.यामध्ये महिलांच्या पगाराचीदेखील माहिती घेती जाणार आहे. ज्या महिलांचे उत्पन्न २.५ लाखांपेक्षा जास्त आहे त्यांना या योजनेचा लाभ मिळणार नाही.

लाडक्या बहि‍णींच्या अर्जांची पडताळणी

लाडकी बहीण योजनेत महिलांच्या अर्जांची विविध टप्प्यांमध्ये पडताळणी केली जाणार आहे. यामध्ये महिला महाराष्ट्राची रहिवासी आहे की नाही हे तपासले जाणार आहे.यानंतर महिलांच्या कुटुंबात चारचाकी वाहन आहे की नाही ते तपासले जाणार आहे. परिवहन विभाग व अंगणवाडी सेविकांकडून घरोघरी जाऊन ही तपासणी केली गेली आहे.यानंतर आता लाडक्या बहि‍णींचा पगार तपासला जाणार आहे. ज्यांचे उत्पन्न नियमांपेक्षा जास्त असणार आहे त्यांना या योजनेचा लाभ मिळणार नाही.

लाडक्या बहिणींना एप्रिलचा हप्ता कधी मिळणार?

लाडकी बहीण योजनेत एप्रिलचा हप्ता कधी मिळणार असा प्रश्न सर्वांना पडला आहे. एप्रिल महिन्याचे शेवटचे ८ दिवस उरले आहेत. अजूनपर्यंत एप्रिलच्या हप्त्याबाबत कोणतीही घोषणा केलेली नाही. एप्रिल महिना संपण्याआधी महिलांच्या खात्यात हप्ता जमा करु, असं आदिती तटकरेंनी सांगितलं आहे. काही मीडिया रिपोर्टनुसार, अक्षय्य तृतीयेच्या मूहूर्तावर महिलांना पैसे दिले जातील.