लाडकी बहीण योजनेच्या लाभार्थ्यांसाठी अत्यंत महत्त्वाची बातमी आहे. लाडकी बहीण योजनेच्या लाभार्थ्यांना केवायसी करणे अनिवार्य केले आहे. ज्या लाडक्या बहि‍णींनी केवायसी केले नाही त्यांनी लवकरात लवकर करावे. लाडकी बहीण योजनेत केवायसी केले नाही तर तुम्हाला योजनेचा पुढचा हप्ता मिळणार नाहीये. यासाठी सरकारने मुदत दिली आहे. तुम्हाला दोन महिन्यात केवायसी करायची आहे. दरम्यान, आता केवायसीबाबत सरकारने मोठा निर्णय घेतला आहे. सरकारने योजनेत केवायसी करण्यास स्थगिती दिली आहे.

ई केवायसीसाठी अडचणी

लाडकी बहीण योजनेच्या लाभार्थ्यांना ई केवायसी करताना अनेक अडचणी येत आहेत. ई केवायसी तुम्हाला ऑनलाइन पद्धतीने करायची आहे.यासाठी पोर्टलदेखील सुरु केले आहे. दरम्यान, ओटीपी येत नाही यामुळे केवायसी पूर्ण होऊ शकत नाही. यामुळे महिलांच्या मनात प्रश्न निर्माण झाले आहे.

केवायसी कधीपर्यंत करावी? (Ladki Bahin Yojana KYC Last Date)

केवायसीबाबत माहिती देताना आदिती तटकरेंनी सांगितले होते की, येत्या दोन महिन्यात हे काम पूर्ण करायचे आहे. १८ सप्टेंबरपासून ही केवायसीची प्रक्रिया सुरु झाली आहे. यासाठी दोन महिन्याचा कालावधी म्हणजे १८ नोव्हेंबर २०२५ पर्यंत प्रक्रिया पूर्ण करायची आहे. त्यामुळे महिलांना नोव्हेंबरपर्यंतचा वेळ देण्यात आला आहे.

सध्या लाडकी बहीण योजनेच्या केवायसीसाठी स्थगिती देण्यात आली आहे. त्यामुळे आता केवायसीसाठी मुदतवाढ देणार का असा प्रश्न विचारला जात आहे.अजूनही लाखो लाडक्या बहि‍णींचे केवायसी करणे बाकी आहे. त्यामुळे ही प्रोसेस पुन्हा कधी सुरु होणार असा प्रश्न विचारला जात आहे. यासाठी तुम्हाला ऑनलाइन पद्धतीने काम करावे लागणार आहे.