लाडकी बहीण योजनेच्या लाभार्थ्यांसाठी अत्यंत महत्त्वाची बातमी आहे. लाडकी बहीण योजनेच्या लाभार्थ्यांना केवायसी करणे अनिवार्य केले आहे. दरम्यान, लाभार्थी महिलांसोबतच आता त्यांच्या पती किंवा वडिलांचेही केवायसी करणे अनिवार्य केले आहे. ज्या महिलांचे पती आणि वडील हयात नाही अशा महिलांनी काय करायचे, असा प्रश्न आता महिला विचारत आहेत.

ज्या महिलांचे पती आणि वडील हयात नाही त्या लाडकींनी काय करावे?

लाडकी बहीण योजनेची केवायसी करताना पती किंवा वडिलांचे आधार कार्ड जोडणे अनिवार्य आहे. मात्र, ही अट आता महिलांसाठी मोठी जाचक ठरली आहे. आता ज्या महिलांचे पती किंवा वडील हयात नाही, अशा महिलांचा लाभ बंद होणार की काय असा प्रश्न महिलांच्या मनात निर्माण झाला आहे. आता यावर सरकारकडे काहीतरी उपाय करण्याची मागणी केली जात आहे.

केवायसी प्रोसेस (Ladki Bahin Yojana KYC)

लाडकी बहीण योजनेच्या लाभार्थ्यांना आता दरवर्षी केवायसी करावी लागणार आहे. केवायसी करण्याची प्रोसेस ऑनलाइन आहे. तुम्हाला अधिकृत वेबसाइटवर जाऊन फक्त तुमची माहिती अपलोड करावी लागणार आहे. त्यानंतर तुमची केवायसी पूर्ण होणार आहे. या प्रोसेससाठी दोन महिन्याची मुदत दिली आहे. केवायसी करताना तुम्हाला तुमच्या पती किंवा वडिलांचे आधार कार्ड जोडावे लागणार आहे. परंतु ज्यांचे पती किंवा वडील हयात नाही, अशा महिलांसाठी सरकार लवकरच तोडगा काढेल.

सप्टेंबरचा हप्ता जमा होण्यास सुरुवात (Ladki Bahin Yojana September Installment)

लाडकी बहीण योजनेत महिलांच्या खात्यात सप्टेंबरचा हप्ता जमा होण्यास सुरुवात झाली आहे. दरम्यान, हा हप्ता उशिराने जमा झाला आहे. त्यानंतर आता ऑक्टोबरचा हप्ता कधी मिळणार असा प्रश्न महिला विचारत आहेत.