लाडकी बहीण योजनेच्या सर्व लाभार्थ्यांना केवायसी करायची आहे. केवायसी करण्याची शेवटची तारीख उलटून गेली आहे. तरीही अनेक महिलांनी केवायसी केलेले नाही. ज्या महिसांनी केवायसी केले नाही त्यांचा लाभ बंद झालाच आहे. परंतु केवायसीमध्ये ज्या महिलांकडून चुकीचे पर्याय निवडले गेले त्यांचाही लाभ तात्पुरते बंद करण्यात आला आहे. या महिलांना १५०० रुपये मिळत नाही. दरम्यान, या महिलांना केवायसीत दुरुस्ती करण्यासाठी शेवटची संधी आहे. या महिलांना ३० एप्रिलपर्यंत केवायसी पूर्ण करायची आहे.

उरले शेवटचे ८ दिवस

लाडकी बहीण योजनेत केवायसी दुरुस्तीसाठी शेवटचे ८ दिवस उरले आहेत. जर महिलांनी तोपर्यंत केवायसीमधील चुका सुधारल्या नाही तर त्यांना योजनेचा लाभ मिळणार नाही.या महिलांना लाभ जानेवारीपासून तात्पुरता बंद करण्यात आला आहे. परंतु केवायसीमध्ये दुरुस्ती करण्यासाठी शेवटची संधी वाया घालू नका. अन्यथा तुम्हाला १५०० रुपयांचा लाभ मिळणार नाही.

अशी करा केवायसी (Ladki Bahin Yojana eKYC Process)

लाडक्या बहिणींनी अधिकृत वेबसाइटवर जाऊन केवायसीमधील चुका दुरुस्त करायच्या आहेत. यासाठी वेबसाइटवर पर्याय देण्यात आला आहे. त्यावर जाऊन तुम्हाला आधार आणि ओटीपी व्हेरिफिकेशन करायचे आहे. यानंतर तुम्हाला योग्य माहिती भरायची आहे. यानंतरच तुमचा लाभ पुन्हा सुरु केला जाईल. महिलांनी केवायसी केल्यानंतर त्याची पडताळणी केली जाईल त्यानंतरच पात्र महिलांचा लाभ पुन्हा सुरु केला जाईल.

रखडलेले हप्ते एकत्र मिळणार (Ladki Bahin Yojana Pending Installment Come Together)

लाडकी बहीण योजनेत केवायसीमध्ये चुका झालेल्या महिलांनी दुरुस्ती केल्यानंतर त्यांचा लाभ पुन्हा सुरु केला जाणार आहे. या महिलांना रखडलेले हप्ते एकत्र मिळणार आहेत. जानेवारीपासूनचे हप्ते एकत्र मिळण्याची शक्यता वर्तवली जात आहे. दरम्यान, याबाबत कोणतीही अधिकृत माहिती अजून समोर आलेली नाही.