लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेत आता केवायसीसाठी मुदत वाढवून देण्यात आली आहे. आता लाभार्थी महिला ३१ डिसेंबरपर्यंत केवायसी करु शकतात. दरम्यान, यासाठी वडील किंवा पतीची केवायसी करणे अनिवार्य आहे. मात्र, ज्या महिलांचे पती आणि वडील हयात नाही त्यांनी काय करायचे असा प्रश्न विचारला जात होता. आता त्यांच्यासाठी नवीन केवायसी प्रोसेस सुरु केली आहे.

लाडक्या बहि‍णींसाठी नवीन केवायसी प्रोसेस (Ladki Bahin Yojana New KYC Process)

लाडकी बहीण योजनेत ज्या महिलांचे पती आणि वडील हयात नाही त्यांच्यासाठी केवायसी प्रोसेसमध्ये बदल करण्यात आले आहेत. आता महिलांना वेबसाइटवर जाऊन केवायसी करायची आहे. त्यानंतर वडील किंवा पतीचे मृत्यूपत्र, घटस्फोटीत महिलांचे कागदपत्र संबंधित विभागातील महिला व बालविकास अधिकाऱ्यांकडे जमा करायचे आहे. त्यानंतर सरकार महिलांच्या कागदपत्रांची शहानिशा करेल. यानंतरच लाभार्थी महिलांना लाभ मिळणार आहे. दरम्यान, यासाठीची प्रोसेस जाणून घ्या.

वडील-पती हयात नाही अशा महिलांसाठी केवायसी प्रोसेस (Ladki Bahin Yojana KYC Process For Widow Women)

सर्वात आधी तुम्हाला लाडकी बहीण योजनेच्या अधिकृत वेबसाइट https://ladakibahin.maharashtra.gov.in वर जायचे आहे.

यानंतर केवायसी ऑप्शनवर क्लिक करा.

यानंतर महिलांचा त्यांचा आधार नंबर टाकायचा आहे. आधारशी लिंक नंबरवर ओटीपी येईल तो टाकायचा आहे. यानंतर तुमची स्वतः ची केवायसी पूर्ण होईल.

यानंतर तुम्हाला ऑफलाइन पद्धतीने जाऊन काही कागदपत्रे सबमिट करायची आहे. पती किंवा वडीलांचे मृत्यूपत्र, घटस्फोटित महिलांचे घटस्फोटाचे कागदपत्र महिला व बालविकास अधिकाऱ्यांकडे जमा करायचे आहे.