Ladki Bahin Yojana News : एकीकडे काटेकोर पडताळणीमुळे लाडकींची संख्या कमी होत असतानाच पात्र लाभार्थ्यांची दिवाळी गोड होणार आहे. कारण या योजनेचा सप्टेंबर महिन्याचा हप्ता देण्यासाठी ४१० कोटी ३० लाख रुपयांच्या निधीला वित्त विभागाने मंजुरी दिली. सामाजिक न्याय व विशेष सहाय्य विभागाने या निधीसंदर्भातील शासन निर्णय जाहीर केला आहे. या योजनेसाठी विभागाअंतर्गत ३,९६० कोटी इतका निधी मंजूर केला आहे. मात्र या निधीचा वापर करताना काही सूचनाही केल्या आहेत.

सूचना -

निधीचा वापर लाभार्थ्यांसाठीच करावा. महिला व बालविकास विभागानं अनुसूचित जाती व नवबौद्ध प्रवर्गातील लाभार्थ्यांची संख्या उपलब्ध करावी. तसेच उपलब्ध निधीचा वापर हा अनुसूचित जाती आणि जयबौद्ध प्रवर्गातील लाभार्थ्यांसाठी होईल याची दक्षता घ्यावी. सामाजिक न्याय विभागाअंतर्गत असणाऱ्या संजय गांधी निराधर योजना, श्रावण बाळ सेवा राज्य निवृत्त वेतन योजनेच्या पात्र लाभार्थ्यांना लाडकी बहीण योजनेचा हप्ता मिळणार नाही, याची दक्षता घ्यावी.

दुसरीकडे ज्यांची ई-केवायसी पूर्ण झाली आहे. त्यांनाच योजनेचा हफ्ता मिळणार आहे. मात्र योजनेच्या पोर्टलवर तांत्रिक अडचणी येत असल्याने अनेक लाडकींना त्याचा फटका बसणार आहे. शासनाला या योजनेचा आर्थिक भार पेलवत नाही हे वास्तव असलं मात्र तरीही स्थानिक स्वराज्य संस्थाच्या निवडणुकीच्या पार्श्वभूमीवर तारेवरची कसरत करत सरकार निधीची तरतूद करत आहेत.