लाडकी बहीण योजनेबाबत एक धक्कादायक माहिती समोर आली आहे. आता लाडक्या बहि‍णींच्या पैशांवर चक्क लाडक्या भावांनी डल्ला मारला आहे. जवळपास १४२९८ पुरुषांनी लाडकी बहीण योजनेचा लाभ घेतला आहे. या पुरुषांच्या खात्यात दर महिन्याला पैसे जमा केले जायचे. यामुळे सरकारने मोठे नुकसान झाले आहे. योजनेच्या लाभार्थ्यांची पडताळणी सुरु असताना हा धक्कादायक प्रकार उघडकीस आला आहे.

दहा महिने पुरुषांनी घेतला लाभ

आतापर्यंत या पुरुषांनी चक्क दहा महिने या योजनेचा लाभ घेतला आहे. दहा महिने प्रत्येकी १५०० रुपये या पुरुषांच्या अकाउंटमध्ये जमा केले जायचे. या पुरुषांना २१,४४ कोटी रुपये देण्यात आल्याचे समोर आले आहे. त्यामुळे आता लाडक्या भावांनाही या योजनेचा लाभ मिळत आहे.

ऑगस्ट २०२४ पासून या महिलांना योजनेचा लाभ मिळत आहे. ऑगस्ट ते जून असे १० महिने पुरुषांच्या खात्यात पैसे जमा केले आहेत. दहा महिने हे पुरुष योजनेचा लाभ घेत आहे, हे प्रशासनाच्या लक्षात कसे आले नाही, असा प्रश्न आता विचारला जात आहे. सार्वजनिक वितरण प्रणालीत डेट्याची पडताळणी केल्यावर हा प्रकार समोर आला आहे.

लाडकी बहीण योजनेवर सरकारला वर्षभरात ४२ हजार कोटी रुपये खर्च करावे लागतात. त्यातील जवळपास २१.४४ कोटी रुपये पुरुषांच्या खात्यात जमा झाले आहेत. ही योजना तत्कालीन मुख्यमंत्री एकनाथ शिंदे यांच्या अध्यक्षतेखाली सुरु केली होती. या योजनेला सर्वाधिक निधी जात असल्याने इतर योजनांना मात्र फटका बसत आहे.

पुरुष असूनही महिलांची नावे

या पडताळणीत अजून एक माहिती समोर आली आहे की, २३६०१४ लाभार्थी असेल आहे की त्यांच्या नावाबद्दल संशय आहे. हे पुरुष असून त्यांनी महिलांनी नावे देऊन लाभ घेत असल्याचा संशय व्यक्त केला जात आहे. दरम्यान, या अर्जांची छाननी सुरु आहे. त्यामुळे या पुरुषांचा लाभ बंद करण्यात आला आहे.