लाडकी बहीण योजनेच्या लाभार्थी महिलांसाठी महत्त्वाची बातमी समोर आली आहे. सकाळच्या माहितीनुसार, लाडकी बहीण योजनेत जवळपास दहा लाखांपेक्षा अधिक महिलांचे लाभ बंद झाले आहेत. महिलांनी याबाबत तक्रारीदेखील केल्या आहेत. लाडकी बहीण योजनेच्या लाभार्थ्यांच्या अर्जांची पडताळणी सुरु झाली आहे. (Ladki Bahin Yojana)

त्यातूनच या महिलांचे अर्ज बाद केले असल्याचे समजत आहे. त्यामुळे या महिलांना आतापासून योजनेचा लाभ मिळणार नाही. त्यांना दर महिन्याला १५०० रुपये मिळणार नाहीत.

मुख्यमंत्री माझी लाडकी बहीण योजनेत आतापर्यंत निकषात न बसणाऱ्या अनेक महिलांचे अर्ज बाद करण्यात आले आहेत. यामध्ये लाखो महिलांना समावेश आहे.

या लाडक्या बहि‍णींना मिळणार नाहीत पैसे (These Women Will not Get Ladki Bahin Yojana Benefits)

लाडकी बहीण योजनेत फक्त निकषांमध्ये बसणाऱ्या महिलांना योजनेता लाभ मिळणार आहे. या योजनेत २१ ते ६५ वयोगटातील महिलांना योजनेचा लाभ घेता येतो. ज्या महिला इतर कोणत्याही योजनेचा लाभ घेतात त्यांना या योजनेअंतर्गत पैसे मिळत नाही. ज्या महिलांच्या कुटुंबाचे उत्पन्न २.५ लाखांपेक्षा आहे. त्यांनाही या योजनेतून वगळण्या आले आहेत. यासाठी महिला व बालविकास विभागाने प्राप्तिकर विभागाची मदत घेतली आहे. प्राप्तिकर विभागाच्या मदतीने या महिलांचे अर्ज बाद केले जात आहेत.

लाडकी बहीण योजनेत अचानक लाखो महिलांचे अर्ज बाद केले जात आहे. प्रत्येक कुटुंबातील फक्त २ महिलाच लाभ घेऊ शकतात. त्यामुळे जर कोणत्याही कुटुंबातील तिसरी महिला योजनेचा लाभ घेत असाल तर त्यांना योजनेतून बाद केले जातात. त्यामुळे महिलांनी तक्रारी केल्या आहे. यासाठी ऑनलाइन वेबसाइटवर जाऊन तक्रारी केल्या आहेत. महिला व बालविकास विभागाच्या कार्यालयात जाऊन तक्रारी केल्या आहेत. त्यावरुनच हा आकडा समोर आला आहे.