इलेक्ट्रिक टू व्हीलर उत्पादक कंपनी कोमाकीने आपली ई-स्कूटर श्रेणी वाढवली आहे. कंपनीने बाजारात तीन नवीन ईव्ही लाँच केल्या आहेत. या स्कूटर SE सीरिज अंतर्गत लॉन्च केल्या आहेत. या तिन्ही इलेक्ट्रिक स्कूटर्सना आधुनिक डिझाइन तसेच अत्याधुनिक फीचर्स अपडेट करण्यात आले आहेत. या तिन्ही स्कूटरची किंमत, श्रेणी, फीचरची संपूर्ण माहिती जाणून घेऊ.

Komaki SE series: व्हेरिएंट आणि किंमत

SE सीरीज अंतर्गत लॉन्च करण्यात आलेल्या तीन स्कूटरची किंमत आणि व्हेरियंटचे तपशील खालीलप्रमाणे आहेत.

Komaki SE Pro- 67,999

Komaki SE Ultra– 76,999

Komaki SE Max– 1,10,000

डिझाइन, बॅटरी, श्रेणी आणि फीचर्स

नवीन कोमाकी एसई प्रो, एसई अल्ट्रा आणि एसई मॅक्स प्रामुख्याने एमजी प्रो मॉडेल्सवर आधारित आहेत. या स्कुटरला स्पोर्टियर लुक देण्यासाठी सुधारित स्टाइलिंगसह दिसतात. Komaki SE Pro मॉडेलमध्ये 2.75 kw NAGR बॅटरी आहे जी 110-120 किमीची पर्यंत चालते. त्याचप्रमाणे, Komaki SE अल्ट्रा मॉडेल 2.7 kw LiPo4 बॅटरीसह सुसज्ज आहे, जी 130-140 किलोमीटरची श्रेणी देते.

त्यानंतर Komaki SE Max 4.2kw LiPo4 सह 200+ किलोमीटर धावतात. Komaki SE Max मध्ये ड्युअल चार्जर, TFT स्क्रीन, ड्युअल डिस्क, टॉप स्पीड 80 किमी/तास आहे. SE श्रेणीमध्ये SE Pro आणि SE अल्ट्रा देखील आहेत. जे सिंगल डिस्क, LED डिजिटल स्पीडोमीटर आणि 70 किमी/ताशी उच्च गती देत असतात. इतर फीचरची माहिती घेऊया. डिस्क ब्रेक, डिजिटल इन्स्ट्रुमेंट क्लस्टर, 12-इंच चाके आणि एलईडी लाइटिंग यांचा समावेश करण्यात आलाय.

गुंजन मल्होत्रा, कोमाकी इलेक्ट्रिकचे सह-संस्थापक म्हणाले, “कोमाकी इलेक्ट्रिकमध्ये आम्ही अत्यंत स्पर्धात्मक इलेक्ट्रिक वाहने आणण्यासाठी सतत नवनवीन शोधात गुंतलो आहोत. Komaki SE सीरिजचा शुभारंभ हा आमच्या वचनबद्धतेचा पुरावा आहे. तसेच उत्कृष्ट कामगिरीसह स्पोर्टी लुक बाईकला देण्यात आलाय. हे एक असे वाहन आहे जे एकाच वाहनात वेग, सुरक्षितता मिळते.