जेव्हा तुम्ही सरकारला भरलेला कर तुमच्या प्रत्यक्ष कर देयतेपेक्षा जास्त असेल तेव्हा आयकर परतावा मिळत असतो. तुमच्या उत्पन्नातून जास्त टीडीएस कापला जातो किंवा तुम्ही जास्त आगाऊ कर भरला असतो तेव्हा असे घडते. रिटर्न भरताना तुम्ही या अतिरिक्त कराचा परतावा मागू शकता.

आयटीआरच्या ई-व्हेरिफिकेशननंतर ४-५ आठवड्यांच्या आत तुमच्या बँक खात्यात परतावा जमा होतो. पण लक्षात ठेवा, फक्त आयटीआर दाखल करून तुम्हाला पैसे मिळत नाहीत. यासाठी काही महत्त्वाची कामे पूर्ण करावी लागतात.

जेव्हा करदात्याने त्याच्या प्रत्यक्ष कर दायित्वापेक्षा जास्त कर भरला असेल तेव्हाच आयकर विभाग परतावा जारी करतो. म्हणजेच, जर तुम्ही मोजणीपेक्षा जास्त कर भरला असेल, तर सरकार तुम्हाला ते अतिरिक्त पैसे परत करेल. कधीकधी हा परतावा व्याजासह येत असतो. पेमेंटच्या तारखेपासून परतावा जारी होईपर्यंत दरमहा ०.५% (म्हणजेच वार्षिक ६%) दराने येत असतो.

यासाठी तुमचे बँक खाते आयकर पोर्टलवर जोडलेले आणि सक्रिय असले पाहिजे. जर बँक खाते बंद केले असेल, निष्क्रिय केले असेल किंवा पोर्टलवर अपडेट केले नसेल, तर परतफेड रक्कम तुमच्यापर्यंत पोहोचणार नाही. म्हणून, योग्य बँक खाते जोडणे आणि पडताळणे महत्वाचे असते.

बँक खाते कसे जोडायचे?

सर्वप्रथम [ई-फाईलिंग पोर्टल] (https://www.incometax.gov.in) वर लॉगिन करा.

आता My Profile सेक्शन मध्ये जा.

तिथे My Bank Account वर क्लिक करा.

Add Bank Account पर्याय निवडा आणि नवी पेज ओपन होईल. तेथे बँकेचा तपशील टाका, जसे की, अकाऊंट नंबर, अकाऊंट प्रकार, होल्डर टाइप आणि IFSC कोड

सर्व माहिती भरल्यानंतर Validate वर क्लिक करा.

जर पडताळणी यशस्वी झाली, तर तुमचे तपशील आणि पुष्टीकरण संदेश स्क्रीनवर प्रदर्शित होईल.