चिनी कंपनी आयटेलने भारतात आपला नवीन बजेट-फ्रेंडली स्मार्टफोन लाँच केला आहे. आयटेल झेनो २० फक्त ५,९९९ रुपयांच्या सुरुवातीच्या किमतीत उपलब्ध आहे आणि आयफोनसारखे अनेक फीचर्स देतो. हा फोन दोन स्टोरेज पर्यायांसह येतो. ३ जीबी रॅम + ६४ जीबी आणि ४ जीबी रॅम + १२८ जीबी, तर त्याचा टॉप व्हेरिएंट ६,८९९ रुपयांपर्यंत आहे. ऑरोरा ब्लू, स्टारलिट ब्लॅक आणि स्पेस टायटॅनियम अशा रंगांमध्ये फोन खरेदी करता येईल. पहिला सेल २५ ऑगस्ट रोजी Amazon वर होईल, ज्यात ग्राहकांना ३०० रुपयांपर्यंत सूट मिळेल.

फोनमध्ये ६.६ इंचाचा एचडी+ आयपीएस डिस्प्ले असून ९० हर्ट्झ रिफ्रेश रेटला सपोर्ट आहे. आयटेल झेनो २० च्या डिस्प्लेमध्ये डायनॅमिक आयलंड फीचर आहे, ज्यामध्ये कॉल, बॅटरी आणि चार्जिंग नोटिफिकेशन्स दिसतात. फोनमध्ये ड्युअल ४जी सिम कार्ड स्लॉट्स आहेत.

आयटेल झेनो २० ची वैशिष्ट्ये

हा स्मार्टफोन Unisoc T7100 चिपसेटवर कार्य करतो आणि ४ जीबी पर्यंत रॅम व १२८ जीबी इंटरनल स्टोरेजला सपोर्ट करतो. आयटेल झेनो २० मध्ये फेस अनलॉक फीचर आणि IP54 रेटिंग आहे, तसेच DTS साउंडचा अनुभव देखील दिला जातो. फोनमध्ये आयवाना २.० व्हॉइस असिस्टंटसह अँड्रॉइड १४ गो ऑपरेटिंग सिस्टम आहे. ५००० एमएएच क्षमतेची बॅटरी १५ वॅट्स यूएसबी टाइप-सी चार्जिंगला सपोर्ट करते.

मागील बाजूस १३ मेगापिक्सेलचा कॅमेरा असून सेल्फी आणि व्हिडिओ कॉलसाठी ८ मेगापिक्सेलचा फ्रंट कॅमेरा उपलब्ध आहे. आयटेल झेनो २० हा बजेट स्मार्टफोन भारतीय ग्राहकांसाठी किफायतशीर पर्याय ठरतो, ज्यामध्ये मोठा डिस्प्ले, दमदार बॅटरी आणि आयफोनसारखी आधुनिक फीचर्स आहेत.