१५ ऑगस्ट हा दिवस प्रत्येक भारतीयासाठी अभिमानाचा दिवस आहे. १५ ऑगस्ट १९४७ रोजी भारत देशाला स्वातंत्र्य मिळाले. अनेक स्वातंत्र्य सैनिकांनी देशासाठी आपले प्राण गमावले. त्यामुळेच आज आपल्या देशात आपण मनमोकळेपणाने जगू शकतो. संपूर्ण देशभरातील लोक मोठ्या उत्साहात स्वातंत्र्य दिन साजरा करतात. या वर्षी आझादी का अमृतमहोत्सवाचे तिसरे वर्ष साजरे करण्यात येणार आहे. (Har Ghar Tiranga Certificate)

२०२२ पासून 'आझादी का अमृतमहोत्सव' सुरु करण्यात आला. भारत सरकारने आझादी का अमृतमहोत्सवसाठी हर घर तिरंगा ही मोहिम सुरु केली. त्यावेळी प्रत्येक भारतीय नागरिकाला घराबाहेर तिरंगा लावायला सांगितले होते.५ कोटी भारतीयांना हातात तिरंगा घेऊन फोटो काढले होते. हे फोटो वेबसाइटवर अपलोड करण्यास सांगितले आहे.

या वर्षी ८ ऑगस्ट २०२४ हे हर घर तिरंगाचे तिसरे वर्ष आहे. यावर्षी ९ ऑगस्ट ते १५ ऑगस्टपर्यंत ही मोहिम राबवण्यात येणार आहे. हे फोटो तुम्हाला हर घर तिरंगाच्या अधिकृत वेबसाइटवर अपलोड करावे लागते.या अधिकृत वेबसाइटवरुन तुम्हाला प्रमाणपत्र दिले जाणार आहे.

हर घर तिरंगाचे सर्टिफिकेच कसं प्राप्त करायचे?

• हर घर तिरंगा मोहिमेचे सर्टिफिकेट मिळवण्यासाठी सर्वप्रथम तुम्हाला harghartiranga.com या वेबसाइटला भेट द्यावी लागणार आहे.

• यानंतर तुमचा तिरंग्यासोबतचा सेल्फी अपलोड करावा लागेल. त्यानंतर Click To Participate वर क्लिक करावे लागेल.

• यानंतर तुमच्यासमोर नवीन विंडो ओपन होईल. त्यात तुम्हाला तुमचे नाव, पत्ता, नंबर अशी माहिती भरावी लागणार आहे.

• यानंतर तुम्हाला पुन्हा एकदा तिरंगा हातात घेऊन सेल्फी अपलोड करावा लागेल.

• यानंतर Generate Certificate या पर्यायावर क्लिक करावे लागेल. त्यानंतर तुमचे सर्टिफिकेट तुम्हाला मिळणार आहे.