उद्यापासून नवीन आर्थिक वर्ष सुरु होणार आहे. नवीन आर्थिक वर्षात नवीन आयकर कायदा लागू होणार आहे. या नवीन कायद्यामुळे करदात्यांना फायदा होणार आहे. आयकर कायद्यात अनेक गोष्टी खूप सोप्या भाषेत समजवण्यात आल्या आहेत. दरम्यान, आता आयकर विभागाने आर्थिक वर्ष २०२६-२७ साठी नवीन इन्कम टॅक्स रिटर्न फॉर्म जारी केले आहेत.

आयकर विभागाने ITR-1 ते ITR-7 फॉर्म जारी केले आहे. जर तुम्ही करदाते आहात तुम्हाला आयटीआर भरायचा असेल तर ही माहिती तुम्हाला माहिती असायलाच हवी

आर्थिक वर्ष २०२६-२७ साठी आयटीआर फाइल करण्याची शेवटची तारीख ३१ जुलै २०२६ निश्चित करण्यात आली आहे. दरम्यान, आर्थिक वर्ष २०२५-२६ साठी कर निर्धारण हे आयकर कायदा १९६१ अंतर्गत होणार आहे. त्यामुळे या वेळी इन्कम टॅक्स फॉर्ममध्ये कोणतेही बदल करण्यात आले नाहीत.

इन्कम टॅक्स रिटर्न फॉर्म (ITR Form)

ITR-1: आयटीआर १ हा फॉर्म त्यांच्यासाठी आहे ज्यांचे वार्षिक उत्पन्न ५० लाख रुपयांपर्यंत आहे. याअंतर्गत सॅलरी, पेन्शन,घर, व्याज या सर्व गोष्टींचा समावेश आहे. जर तुम्हाला ₹1.25 पर्यंत लाँग कॅपिटल गेन मिळाले असेल तरी तुम्ही हा फॉर्म भरु शकतात.

परदेशात संपत्ती असणाऱ्यांसाठी आयटीआर फॉर्म

ITR-2: जर तु्म्ही आयटीआर १फॉर्मअंतर्गत बसत नाही आणि तुमचा बिझनेसदेखील नाहीये तर तुम्ही हा फॉर्म भरु शकतात. यामध्ये शेअर किंवा प्रॉपर्टी विकून येणाऱ्या उत्पन्नाचाही समावेश आहे. याचसोबत परदेशातून मिळवलेल्या संपत्ती असलेल्या नागरिकांसाठी हा फॉर्म आहे.

बिझनेससाठी आयटीआर फॉर्म

ITR-3: हा फॉर्म HUF साठी आहे. ज्यांचा बिझनेस आहे आणि टर्नओवर ५० लाखांपेक्षा जास्त आहे त्यांच्यासाठी हा आयटीआर फॉर्म आहे.

ITR-4

ITR-4 हा फॉर्म ज्यांच्यासाठी आहे ज्या व्यापारांचे उत्पन्न ५० लाखांपर्यंत आहे. जे लोक प्रिजम्प्टिव टैक्सेशन स्कीम (धारा 44AD, 44ADA) निवडतात. यामध्ये तुम्हाला टर्नओवरच्या रक्कमेवर एका निश्चित स्वरुपत टॅक्स द्यावा लागतो.