Hyundai Motor India पुढील वर्षी आपली Creta EV भारतात लॉन्च करणार आहे. Creta EV नंतर कंपनी आणखी 3 नवीन इलेक्ट्रिक कार लॉन्च करणार आहे. मात्र भारतात कोणते इलेक्ट्रिक मॉडेल लॉन्च केले जातील हे अद्याप समोर आलेलं नाही.

कंपनी आपल्या इलेक्ट्रिक कार मिड-रेंज सेगमेंट ते प्रीमियम सेगमेंटमध्ये लॉन्च करणार आहे. सध्या Ionic-5 इलेक्ट्रिक कार बाजारात आहे, तर Kona EV अलीकडेच बंद करण्यात आली आहे.

बॅटरी आणि रेंज

Hyundai Creta Electric ला 45kWh चा बॅटरी पॅक मिळू शकतो. जो एका चार्जवर 450 किलोमीटर पर्यंतची रेंज देईल. याशिवाय, इलेक्ट्रिक क्रेटाची मोटर 138hp पॉवर आणि 255 Nm टॉर्क जनरेट करते.

किती असेल किंमत?

रेंजच्या दृष्टीने इलेक्ट्रिक क्रेटा हा एक चांगला पर्याय ठरू शकतो.  Creta EV ची किंमत 20 लाख रुपयांपासून सुरू होऊ शकते. Hyundai Creta EV चे डिझाईन ICE मॉडेलसारखे असेल, ज्यामध्ये इलेक्ट्रिक व्हर्जनच्या स्वरूपात काही बदल दिसून येतील.

Creta EV मध्ये मिळणार जबरदस्त फीचर्स

नवीन Creta EV मध्ये सुरक्षिततेची पूर्ण काळजी घेतली गेली आहे. यामध्ये 6 एअरबॅग्ज, एबीएससह EBD, 360 डिग्री कॅमेरा, लेव्हल 2 ADAS डॅशकॅम, क्लायमेट कंट्रोल, वायरलेस चार्जिंग पॅड, टाईप सी चार्जिंग पोर्ट, असे फीचर्स यामध्ये देण्यात आले आहेत. क्रेटा ईव्हीची लांबी 4330 मिमी, रुंदी 1790 मिमी, उंची 1635 मिमी आहे. wheelbase 2610mm आणि त्याला 433mm बूट स्पेस मिळेल.

याशिवाय 17 इंचाचे टायरही यामध्ये समाविष्ट केले जाऊ शकतात. क्रेटा इलेक्ट्रिक पुढील वर्षी ऑटो एक्सपो 2025 मध्ये सादर केली जाऊ शकते. इलेक्ट्रिक वाहनांना प्रोत्साहन देण्यासाठी कंपनीने पुढील दहा वर्षांसाठी 32,000 कोटी रुपयांची गुंतवणूक करण्याची योजना आखली आहे.