एचएसआरपी नंबर प्लेट बसवणे अनिवार्य करण्यात आले आहे. २०१९ पूर्वीच्या सर्व वाहनांना आता HSRP नंबर प्लेट बसवावी लागणार आहे. २०१९ नंतरच्या सर्व वाहनांना एचएसआरपी नंबर प्लेट बसवली आहे. परंतु त्याआधीच्या वाहनांना बसवावी लागणार आहे.आता एचएसआरपी नंबर प्लेट बसवण्यासाठी मुदतवाढ केली जाऊ शकते.

हाय सिक्युरिटी रजिस्ट्रेशन नंबर प्लेट(High Security Registration Number Plate) अनेक लोकांनी बसवली आहे. मुंबईत (MMR Mumbai Metropolitan Region)१० लाख वाहनधारकांनी ही नंबरप्लेट बसवली आहे. अजूनही अनेक वाहनांना नंबर प्लेट बसवणे बाकी आहे. त्यामुळे कदाचित मुदतवाढ होऊ शकते. दरम्यान, एचएसआरपी नंबर प्लेट बसवण्यासाठी अनेक तक्रारी आल्या आहेत. डायरेक्ट पेमेंटसंदर्भात काही तक्रारी आहेत. सर्व पेमेंट हे तुम्हाला बुकींग करतानाच करायचे असतात.

परिवहन विभागाने एचएसआरपी नंबर प्लेट बसवण्याची शेवटची तारीख ३० जून निश्चित केली आहे. परंतु तोपर्यंत कदाचित सर्व वाहनांना नंबर प्लेट बसवली जाणार नाही. त्यामुळे ही मुदतवाढ केली जाऊ शकते.

मुंबईतील नागरिकांना एचएसआरपी नंबरप्लेट (HSRP Number Plate)बसवण्यासाठी तीन एजन्सी काम करत आहे. वेगवेगळ्या विभागात या एजन्सी असतील.येथे जाऊन तुम्ही एचएसआरपी नंबरप्लेट बसवू शकतात.

जर तुम्हाला कोणतीही तक्रार करायची असेल तर ०२२ २०८२६४९८ नंबरवर कॉल करु शकतात. याचसोबत hsrpcomplaint.tco@gmail.com वर तक्रार करु शकतात.

२ कोटी वाहने

जवळपास २ कोटी वाहने ही २०१९ पूर्वीची आहेत. यापैकी फक्त काहीच जणांनी एचएसआरपी नंबरप्लेट बसवली आहे, असं आरटीओच्या वरिष्ठ अधिकाऱ्यांनी सांगितलं आहे. त्यामळेच कदाचित मुदतवाढ दिली जाऊ शकते.