राज्यातील सर्व वाहनधारकांना एचएसआरपी नंबरप्लेट लावणे अनिवार्य केले आहे. एचएसआरपी नंबरप्लेट बसवण्यासाठी शेवटचे ३ दिवस उरले आहे. ३१ डिसेंबरपर्यंत तुम्हाला ही नंबरप्लेट बसवणे अनिवार्य आहे. जर तुम्ही नंबरप्लेट बसवली नाही तर तुम्हाला दंड भरावा लागेल. दरम्यान, आता यासाठी अजून मुदतवाढ देणार का असा प्रश्न विचारला जात आहे.

एचएसआरपी नंबरप्लेट बसवण्याची मुदतवाढ मिळणार का? (HSRP Number Plate Installment Deadline May Be Extended)

मिळालेल्या माहितीनुसार, डिसेंबरमध्ये पुण्यात फक्त ५० हजार वाहनांनी एचएसआरपी नंबरप्लेट बसवली आहे. फक्त पुण्यात १६ लाख वाहनधारकांनी अजूनही नंबरप्लेट बसवलेली नाही. त्यामुळे १६ लाख वाहनधारक नंबरप्लेट कधी बसवणार असा प्रश्न उपस्थित केला जात आहे. दरम्यान, १६ लाख वाहनांना ३ दिवसात नंबरप्लेट बसवणे शक्य नाही. त्यामुळे मुदतवाढ दिली जाण्याची शक्यता वर्तवली जात आहे.

एप्रिल २०१९ पूर्वीच्या सर्व वाहनांना एचएसआरपी नंबरप्लेट बसवणे अनिवार्य आहे. त्यानंतरच्या वाहनांना आधीच ही नंबरप्लेट बसवली होती. त्यामुळे या बाकीच्या वाहनधारकांची हे काम लगेच करायचे आहे.

एचएसआरपी नंबरप्लेट बसवणे गरजेचे का? (Why HSRP Number Plate Mandatory)

अपघात किंवा गुन्ह्यातील वाहनांना सहजासहजी पकडता यावे, यासाठी ही नंबरप्लेट बसवणे गरजेचे आहे. प्रत्येकाचे वाहन सुरक्षित असावे यासाठी ही युनिक नंबरप्लेट दिली जात आहे. या नंबरपल्टेमुळे गुन्हेगारांना सहज शोधता येईल, असं सांगितलं जात आहे.

HSRP नंबरप्लेट न बसवल्यास भरावा लागणार दंड (If you not install HSRP Plate then Pay Fine)

डिसेंबरमध्ये पुण्यातील फक्त ५० हजार वाहनधारकांनी नंबरप्लेटसाठी अर्ज केला होता. हा वेग खूप कमी आहे. त्यामुळे अजून खूप वेळ लागू शकते. दरम्यान,जर नंबरप्लेट बसवली नाही तर १०,००० रुपयांचा दंड भरावा लागेल. यामुळेच आता मुदतवाढ मिळणार की दंड भरावा लागणार, असा प्रश्न सर्वांना पडलेला आहे.