देशातील सर्वात मोठी प्रायव्हेट बँक एचडीएफसीने महत्त्वाचा निर्णय घेतला आहे. बँकेने बिझनेस आणि होम लोनवरील व्याजदरात बदल केला आहे. यामुळे भविष्यात बिझनेस, होम लोन स्वस्त होऊ शकते. रिझर्व्ह बँकेने मार्जिनल कॉस्ट ऑफ फंड्स बेस्ड लेंडिंग रेटमध्ये कपात केली आहे.

एचडीएफसी बँकेने MCLR मध्ये ५ बेसिस पॉइंट्सने कपात केली आहे. कालपासून हे नवीन दर लागू झाले आहे. यामुळे आता MCLR दर ८.१० ते ८.५५ टक्क्यांपर्यंत झाले आहेत. हे दर आधी ८.१५ ते ८.५५ टक्के होते.

काय आहे MCLR ?

MCLR हे किमान व्याजदर असते. या दरापेक्षा कमी व्याजदरात लोन देऊ शकत नाही. रिझर्व्ह बँक ऑफ इंडियाने २०१६ मध्ये याची सुरुवात केली आहे. हे दर निश्चित करण्यासाठी अनेक गोष्टी लक्षात घेतल्या आहे. वेगवेगळ्या कालावधीसाठी वेगवेगळे दर निश्चित केले आहेत.

नवीन दर वाचा

१ दिवस- ८.१० टक्के

१ महिना- ८.१० टक्के

तीन महिने- ८.२० टक्के

सहा महिने- ८.३५ टक्के

१ वर्ष -८.३५ टक्के

२ वर्ष- ८.४५ टक्के

३ वर्ष -८.५ टक्के

या ग्राहकांना मिळणार फायदा

MCLR मधील कपातीचा सर्वाधिक फायदा ज्यांचे कमी कालावधीसाठी लोन आहे त्यांना होणार आहे. बिझनेस लोन किंवा वर्किंग कॅपिटल घेणाऱ्या कंपन्या, शॉर्ट टर्म लोन घेणार ग्राहक यांना फायदा होणार आहे. या ग्राहकांचा ईएमआय थोडा कमी होऊ शकतो.