कर्मचारी निर्वाह निधी संघटना आणि कर्मचारी पेन्शन योजनेत सदस्यांनी केलेल्या गुंतवणूकीवर मर्यादा वाढवण्याचा विचार करत आहे. मिडिया रिपोर्टनुसार, केंद्र कामगार मंत्री मनसुख मांडविया यांनी याबाबत संकेत दिले आहे. कर्मचारी पेन्शन योजना आणि ईपीएफओमध्ये योगदान करण्याची रक्कम आता वाढवण्यात येणार आहे. जर ईपीएफओ आणि पेन्शन योजनेत पैसे वाढवले तर कर्मचाऱ्यांना निवृत्तीनंतर एक कोटी रुपये मिळू शकतील.
जर सध्या कर्मचाऱ्याचा पगार हा दर महिन्याला १५,००० किंवा त्यापेक्षा कमी असेल तर कर्मचारी आणि नियोक्चा दोघेही पगाराच्या १२ टक्के योगदान देतात. यामध्ये ८.३३ टक्के पेन्शन योजनेत तर उरलेले ३.६७ टक्के भविष्य निर्वाह योजनेत जमा केले जातात. म्हणजे जर तुमचा पगार दर महिन्याला १५,००० रुपये असेल तर भविष्य निर्वाह निधीमध्ये १,८०० रुपये जमा होतील. तर नियोक्त्याकडून भविष्य निर्वाह निधीमध्ये ५५०.५० रुपये तर पेन्शन योजनेत १,२४९ रुपये जमा केले जातात.
ही वेतन मर्यादा २१,००० रुपयांपर्यंत वाढवण्याचा विचार सरकार करत आहे. जर हा प्रस्ताव मंजूर झाला तर २१,००० पगाराच्या तुलनेत तुमचे पैसे ईपीएफओ आणि पेन्शन योजनेत जमा केले जातील. २१,००० रुपये पगार असेल तर कर्मचाऱ्याचे योगदान २,५२० रुपये असेल आणि नियोक्ताचे योगदान ईपीएफमध्ये ७७० आणि पेन्शन योजनेत १,७४९ रुपये असेल.
जर ईपीएफओची मर्यादा २१,००० रुपयांपर्यंत वाढवली तर ३५ वर्ष जर तुम्ही ३५ वर्ष योगदान देणाऱ्या कर्मचाऱ्याचा निधी १ कोटीपर्यंत जाऊ शकतो. म्हणजेच २३व्या वर्षी जर तुम्ही ईपीएफओ आणि ईपीएसमध्ये पैसे जमा करण्यास सुरुवात केली तर निवृत्तीनंतर तुम्हाला १ कोटी रुपये मिळू शकतात.
ईपीएफओने आता पैसे काढण्याची मर्यादा वाढवली आहे. आता तुम्ही वैद्यकीय आप्तकालीन परिस्थितीत १ लाख रुपये काढू शकतात. पूर्वी तुम्ही फक्त ५०,००० रुपये काढू शकत होता. परंतु आता ही मर्यादा वाढवण्यात आली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.