सध्या सर्वत (AI) फिचरचा बोलबाला सुरू आहे. गुगलने (AI)वर आपली पकड मजबूत करण्यासाठी आता पुन्हा एकदा आर्टिफिशियल इंटेलिजंस (AI) विशेष तज्ञ नोम शाजीर यांची नियुक्ती केली आहे. त्यासाठी गुगलला तब्बल २.७ अरब डॉलर म्हणजे २२ कोटी ६०० रुपये भरावे लागले आहेत. शाजीरने याआधी साल २०२१ मध्ये सुद्धा गुगलसोबत काम केलं आहे. त्यावेळी त्याने एआय स्टार्टअप Character.AI ची स्थापना केली होती.

एआयच्या विश्वात शाजीर हे एक मोठं आणि नावाजलेलं नाव आहे. सर्वात पहिले २००० मध्ये ते गुगलशी जोडले गेले होते. त्याने गुगलमध्ये असतानाच सहकारी डेनियलसह डी फ्रीटाससह मिळून चॅटबॉक्स विकसीत केला होता. त्यांनी त्यावेळी गुगलने हा चॅटबॉक्स लॉन्च करावा अशी विनंती केली होती. मात्र गुगलने यासाठी नकार दिला आणि त्यामुळे शाजीर यांनी गुगलला रामराम ठोकला.

त्यानंतर शाजीर आणि फ्रीटास यांनी एकत्र येत Character.AI सुरू केलं. या स्टार्टअपने लगेचच सिलिकॉन वॅलीमध्ये सर्वाधीक हॉट स्टार्टअप म्हणून मान पटकावला. त्यांची एकंदर प्रगती पाहता एआयसाठी गुगलला पुन्हा एकदा आपल्या जुन्या कर्मचाऱ्याची गरज भासली. त्यामुळे गुगलने शाजीर यांना पुन्हा कंपनीत बोलावून घेतले. त्यासाठी त्यांनी मोठी रक्कमही दिली.

गुगलच्या कर्मचाऱ्यांनी दिलेल्या माहितीनुसार, शाजीरला पुन्हा कंपनीत बोलवणे हेच यामागचं मुख्य कारण आहे. शाजीर येथे आल्यावर ते एआय, DeepMind, एआय मॉडेलचे नेतृत्व करतील आणि ओपन एआयची पुढे चॅटजीपीटीसह टक्कर होईल.