तुम्ही सरकारी योजनांचा लाभ घेत असाल तर ही बातमी तुमच्यासाठी महत्त्वाची आहे. दिल्लीतल्या महिलांसाठी मोठी आणि महत्त्वाची बातमी समोर आली आहे. विधानसभा निवडणुकीदरम्यान भाजपने जाहीर केलेल्या दिल्ली लक्ष्मी योजनेची अंमलबजावणी आता सुरू झाली आहे. मुख्यमंत्री रेखा गुप्ता यांनी २६ ऑगस्ट रोजी तालकटोरा स्टेडियममध्ये आयोजित विशेष कार्यक्रमात योजनेच्या पहिल्या लाभार्थी महिलांना मंजुरी पत्रांचे वाटप केले.

रक्षाबंधनाच्या पार्श्वभूमीवर महिलांसाठी ही मोठी भेट मानली जातेय. कार्यक्रमामध्ये २,५०० रुपये महिलांचा सहभाग होता. यापैकी ६५ महिलांना मंचावर बोलवून मुख्यमंत्री रेखा गुप्ता यांच्या हस्ते लाभार्थी पत्र देण्यात आलं. उर्वरित लाभार्थींनाही १ सप्टेंबरआधी पत्र मिळण्याची प्रोसेस पूर्ण केली जाणार असल्याचं सांगण्यात आलं.

मुख्यमंत्री रेखा गुप्ता यांनी सांगितलं की, दिल्ली लक्ष्मी योजनेअंतर्गत पात्र महिलांना दर महिन्याला २,५०० रुपयांची आर्थिक मदत दिली जाणार आहे. त्यांच्या म्हणण्यांनुसार, १ ऑगस्टपासून योजनेसाठी नोंदणी प्रोसेस सुरू करण्यात आली असून आतापर्यंत ९ लाखांपेक्षा जास्त महिलांनी नोंदणी केली आहे.

मंगळवारी रात्री ८ वाजेपर्यंत उपलब्ध आकडेवारीनुसार ९,२०,५९० महिलांकडून मोठा प्रतिसाद मिळत असल्याचं स्पष्ट झालं आहे. लाभार्थी महिलांची महत्त्वाची प्रोसेस पूर्ण झाल्यानंतर त्यांच्या बँक खात्यात किंवा CBDC वॉलेटमध्ये योजनेची रक्कम जमा केली जाणार आहे. सरकारच्या माहितीनुसार, पहिल्या टप्प्यातील पात्र लाभार्थी महिलांच्या खात्यात १ सप्टेंबरपासून पैसे ट्रान्सफर करण्याची प्रोसेस सुरू होण्याची अपेक्षा आहे.