मुख्यमंत्री माझी लाडकी बहीण योजनेच्या लाभार्थी महिलांसाठी अत्यंत आनंदाची माहिती समोर आली आहे. सुत्रांनी दिलेल्या माहितीनुसार, ऑगस्ट २०२६ महिन्याच्या आर्थिक लाभासाठी निधी वितरणाला शासनाची मान्यता देण्यात आली आहे. त्यामुळे ऑगस्टचा रखडलेला हप्ता मिळण्याच्या प्रक्रियेला आता गती मिळण्याची शक्यता आहे.

सुत्रांनी दिलेल्या माहितीनुसार, अनुसूचित जाती घटकांतर्गत पात्र लाभार्थी महिलांसाठी ₹३३९.१४ कोटींचा निधी वितरिक करण्यात आलेला आहे. हा निधी ऑगस्ट २०२६ च्या आर्थिक लाभासाठी असल्याचं GR मध्ये नमूद करण्यात आलं आहे.

मात्र, या GR नंतर महिलांमध्ये चर्चेत असलेल्या ₹३००० हप्त्याबाबत महत्त्वाची स्पष्टता समोर आली आहे. GR मध्ये प्रत्येक लाभार्थी महिलेच्या खात्यात ३००० रुपये जमा केले जातील, असं स्पष्टपणे नमूद केलेलं नाही. त्यामुळे फक्त या शासन निर्णयाच्या आधारे प्रत्येक महिलेला ३००० रुपये मिळणार असल्याचा निष्कर्ष काढता येत नाही.

GR मध्ये ३००० कोटींच्या ठराविक खर्चाचा उल्लेख आहे. मात्र ही रक्कम प्रत्येक लाभार्थी महिलेला मिळणारा हप्ता नसून, संपूर्ण आर्थिक वर्षासाठीची अर्थसंकल्पीय तरतूद आहे. त्यामुळे ३००० कोटी आणि प्रत्येक महिलेला मिळणारे ३००० रुपये यामध्ये फरक आहे.

योजनेतल्या नियमित मासिक लाभ १,५०० असल्याच्या पार्श्वभूमीवर ऑगस्टच्या हप्त्याबाबत महिलांची उत्सुकता वाढली आहे. मात्र मिळालेल्या माहितीनुसार GR मध्ये वैयक्तिक लाभार्थींच्या खात्यात जमा होणारी अंतिम रक्कम स्वतंत्रपणे स्पष्ट करण्यात आलेली नाही. GR नुसार मंजूर निधी अर्थसंकल्पीय वितरण प्रणालीद्वारे वितरित करण्यात आला आहे.

त्यामुळे सध्या एवढे स्पष्ट आहे की ऑगस्ट २०२६ च्या हप्त्यासाठी निधी मंजूर झाला आहे. मात्र ३००० रुपयांचा हप्ता मिळणार असल्याची अधिकृत पुष्टी या GR मधून होत नाही. अंतिम जमा रक्कम आणि पैसे खात्यात येण्याची तारीख अधिकृत माहिनीनंतरच निश्चित मानावी.