सोन्याच्या दरात सुरु असलेली घसरण आजही कायम आहे. मागील आठवडाभरात सोन्याच्या दरात मोठी घसरण पाहायला मिळाली आहे. सणासुदीच्या काळात सोन्या-चांदीचे भाव घसरल्यामुळे ग्राहकांना सोनं खरेदीची चांगली संधी मिळाली आहे.
ऑक्टोबर महिन्याच्या पहिल्या आठवड्यात सोमवारी सोन्याच्या दरात घट झाली. जागतिक बाजारातही सोन्याच्या दरात यावर्षी १८३६ डॉलर प्रति तोळा घसरण झाली आहे. मागच्या आठवड्याची किंमतींवर नजर टाकली तर मुंबईत ३३० रुपयांची घसरण नोंदवली गेली आहे.
सोन्याच्या दरातील घसरणीचा आलेख आजही कायम आहे. महाराष्ट्रात आज सोन्या-चांदीसाठी किती पैसे मोजावे लागतील यावर एक नजर टाकूया.
1. Good Return नुसार आजचा सोन्याचा भाव
गुड रिटर्न्सच्या वेबसाइट्नुसार, आज २२ कॅरेट सोन्यासाठी (Gold) ५२,५९० रुपये मोजावे लागणार आहेत. तर २४ कॅरेटनुसार ५७,३७० रुपये मोजावे लागतील. मे महिन्यात सोन्याने आजवरची उच्चांक पातळी गाठली होती. त्यावेळी सोने प्रति तोळे ६१,८४५ रुपयांवर पोहोचलं होतं. सोन्याच्या उच्चांकी किंमतीशी तुलना केली तर आजचा भाव तब्बल ६००० रुपयांनी कमी आहे.
2. चांदीचा आजचा भाव
गुड रिटर्न्सच्या वेबसाइट्नुसार, चांदीचा (Silver) आजचा प्रति किलो दर ७०,७०० रुपये आहे. आज चांदीच्या भावात २००० रुपयांनी घसरण झाली. चांदीच्या किमती घसरल्यामुळे खरेदीदारांचा कलही चांदी खरेदीकडे पाहायला मिळेल.
3. मुंबई-पुण्यात आज सोन्याचे दर किती?
आज गुड रिटन्सच्या वेबसाइट्नुसार मुंबईमध्ये (Mumbai) २४ कॅरेटसाठी ५७,३७० तर पुण्यात ही भाव सारखेच आहे. अशात नाशिकमध्ये सोन्याच्या भावात किंचित घसरण झालेली पाहायला मिळाली. नाशिकमध्ये आज सोन्याचा भाव हा २४ कॅरेटसाठी ५७,४०० रुपये आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.