सध्या लग्नसराईचे दिवस आहेत.या काळात सोनं खरेदीवर जास्त भर दिला जातो. मात्र आत ग्राहकांसाठी मोठी बातमी समोर आली आहे. गेल्या १० दिवसांत सोन्याचे भाव घसरले आहेत. यामुळे ग्राहक तसेच अनेक गुंतवणूकदार याकडे संधी म्हणून पाहत आहेत. विशेषतः १६ मार्च ते २७ मार्च या कालावधीत सोन्याच्या दरात प्रति १० ग्रॅम १३,४९४ रुपयांची आणि चांदीच्या दरात प्रति किलो ३१,१४६ रुपयांची घसरण नोंदवली आहे. ही माहिती इंडियन बुलियन ज्वेलर्स असोशिएनने प्रसिद्ध केली आहे.

मुंबईतील आजचे सोन्याचे दर (प्रति १० ग्रॅम) (Mumbai Today Gold Rate )

२४ कॅरेट - १,४८,०९० रुपये

२२ कॅरेट - १,३५,७५० रुपये

१८ कॅरेट - १,११,०७० रुपये

२७ मार्च २०२६ रोजी २४ कॅरेट सोन्याचा भाव प्रति १० ग्रॅम १४२,९४२ रुपये इतका होता. याच तुलनेत १६ मार्च रोजी हा भाव १,५६,४३६ रुपये होता. तसेच चांदीच्या बाबतीतही चित्र वेगळे नव्हते. १६ मार्चच्या सकाळी एक किलो चांदीचा दर २५२,७९३ रुपये होता, तो २७ मार्चला २२१,६४७ रुपयांवर आला.

ही वाढ मुख्यतः जागतिक घटनांमुळे घडली. दरम्यान, गेल्या आठवड्यात मात्र सोने आणि चांदी दोन्हींच्या भावात उल्लेखनीय वाढ झाली होती. २३ रोजी सकाळी सोन्याचा भाव प्रति १० ग्रॅम १३५,१४१ रुपये होता. सोमवार ते शुक्रवार या पाच दिवसांत तो ८,५७४ रुपयांनी वाढून २७ मार्चला १४२,९४२ रुपयांवर पोहोचला होता.