गेल्या काही महिन्यांपासून सोन्याच्या दरात चढउतार पाहायला मिळत आहे. रक्षाबंधन या सणानंतर सोन्याच्या दरात घसरण झाली होती. पण आज सोन्याचे दर जैसे थे आहे. ना वाढ ना घट, सोन्याच्या दरात कोणतेही बदल झालेले नाही. काल सोन्याच्या दरात घट झाली होती. प्रति तोळा सोन्याच्या दरात ५० रूपयांची घसरण झाली होती. मात्र, आज सोन्याच्या दरात कोणतेच बदल झालेले नाही. त्यामुळे ग्राहकांना दिलासा मिळाला आहे.

आज सोन्याचे दर जैसे थे आहे. २४ कॅरेट १० ग्रॅम सोन्यासाठी ग्राहकांना १,०१,३५० रूपये मोजावे लागतील. तर, १०० ग्रॅम सोन्याचे दर १०,१३,५०० रूपये इतके आहे. २२ कॅरेट १० ग्रॅम सोनं खरेदीसाठी आपल्याला ९२,९०० रूपये मोजावे लागतील. तर, १०० ग्रॅम सोन्याचा दर ९,२९,००० इतके आहे.

१८ कॅरेट सोन्याच्या दरातही कोणतेच बदल झाले नाही. १८ कॅरेट १० ग्रॅमसाठी आपल्याला ७६,०१० रूपये मोजावे लागतील. तर, १८ कॅरेट १०० ग्रॅम सोन्याचे दर ७,६०,१०० इतके आहे. मात्र, चांदीच्या दरात वाढ झाली आहे. प्रति ग्रॅम चांदीच्या दरात ११६ रूपयांची वाढ झाली आहे. १ किलो चांदीचा दर १,१६,००० इतका आहे.

सोन्याची किंमत कशी ठरवली जाते?

सोन्याचे दर विविध आधारावर ठरवली जाते. आंतरराष्ट्रीय दर, आयात शुल्क अन् कर, डॉलरमधील विनिमय दर, मागणी -पुरवठा याचा समतोल, अशा विविध गोष्टींच्या आधारावर सोन्याचा दर निश्चित केला जातो. भारतात सोन्याचा वापर फक्त गुंतवणुकीसाठी नसून, सणवार, लग्नांमध्येही केला जातो. त्यामुळे सोन्याच्या दरातील थेट परिणाम खरेदीदारांच्या खिशावरही होतो.