दिवाळीनंतर सोन्याच्या भावात कमालीची घसरण पाहायला मिळाली. सोन्याच्या किमतीत सलग दुसऱ्या आठवड्यात घसरण झाली आहे. एका आठवड्यात २४ कॅरेट सोन्याची किंमत २,६२० रूपयांनी कमी झाली आहे. राजधानी दिल्लीत प्रति १० ग्रॅम दर १,२३, १५० रूपयांपर्यंत घसरला आहे. २२ कॅरेट सोन्याच्या दरातही घट झाली असून, एका आठवड्यात सोनं २,४०० रूपयांनी स्वस्त झाले आहे. चला, २ नोव्हेंबरचा सोन्याचा दर किती?

दिल्लीतील सोन्याचा भाव

दिल्लीत २४ कॅरेट सोन्याची किंमत प्रति १० ग्रॅम १,२३,१५० रूपये इतके आहे. तर, २२ कॅरेट प्रति १० ग्रॅम सोन्याची किंमत १,१३,१६० रूपये इतकी आहे. सोन्याच्या भावात घट झाल्यामुळे ग्राहकांची पावलं सराफाच्या दुकानांकडे वळली आहेत.

मुंबई, चेन्नई आणि कोलकाता

सध्या मुंबई, चेन्नई आणि कोलकाता येथे २२ कॅरेट १० ग्रॅम सोन्याची किंमत १,१२,७५० रूपये इतके आहे. तर, २४ कॅरेट प्रति १० ग्रॅम सोन्याची किंमत १,२३,००० इतकी आहे. शनिवारी इंदूर सराफा बाजारात सोन्याच्या किमतीत प्रति १० ग्रॅम १०० रूपयांची घसरण झाली आहे. सरासरी प्रति १० ग्रॅम सोन्याची किंमत १,२१,५०० इतकी झाली आहे.

चांदीच्या किमतीतही कमालीची घट

एका आठवड्यात चांदीच्या किमतीत प्रति किलो ३००० रूपयांची घसरण झाली आहे. सलग तिसऱ्या आठवड्या चांदीच्या दरात घसरण झाली आहे. आज १ किलो चांदीचा दर १,५२,००० रूपये इतके आहे. सोन्यासह चांदीच्या दरात घट झाल्यामुळे ग्राहकांमध्ये वातावरण आहे.