Summary -

• जळगावच्या सुवर्णनगरीत सोनं-चांदीच्या दरात मोठी घसरण

• सोनं ४ हजार रुपयांनी स्वस्त

• चांदी १५ हजार रुपयांनी घसरली

• जळगाव सराफा बाजारात ग्राहकांची गर्दी

अमेरिका- इस्राइल आणि इराण या दोन देशांमध्‍ये सुरू असलेल्‍या युद्धामुळे सोन्या-चांदीच्या दरामध्ये सातत्‍याने चढ-उतार होत असल्‍याचे दिसून येत आहे. काही दिवसांपूर्वी सोन्याच्या दरात घसरण झाली होती. पण त्यानंतर सोन्याचे दर वाढत चालले आहेत. जळगावच्या सुवर्णनगरीमध्ये बुधवारी सोनं-चांदीच्या भावात वाढ झाली होती. मात्र आज चांदीमध्‍ये तब्‍बल १५ हजार रुपायंनी आणि सोन्‍याचे ४ हजार रूपयांनी स्वस्त झाले आहेत. त्यामुळे ग्राहकांमध्ये आनंदाचे वातावरण आहे.

आज सोनं- चांदीच्या दरामध्ये मोठी घसरण झाल्यामुळे ग्राहकांना मोठा दिलासा मिळाला. सोनं-चांदीच्या दरात सतत वाढ होत असल्यामुळे ग्राहकांनी खरेदीकडे पाठ फिरवली होती. पण आज सोनं-चांदीचे दर घसरल्यामुळे ग्राहकांनी जवळगावच्या सराफा बाजारात मोठी गर्दी केली आहे. आर्थिक वर्षाच्‍या शेवटी म्‍हणजे ३१ मार्चला देखील दर वाढले होते. तर नवीन आर्थिक वर्षाच्‍या पहिल्‍या दिवशी देखील सोन्‍याच्‍या दरात ४ हजार रुपयांनी आणि चांदीच्या दरामध्ये ५ हजार रुपयांनी वाढ झाली होती. मात्र आज सोनं आणि चांदीच्या दरात मोठी घसरण झाली आहे.

आर्थिक वर्षाच्‍या पहिल्‍याच दिवशी सोनं- चांदीच्‍या दरात वाढ झाली होती. बुधवारी ४ हजारांची वाढ होऊन सोन्याचे विनाजीएसटी दर प्रतितोळा १ लाख ५० हजार रुपये झाले होते. तर चांदीच्या दरात ५ हजार रुपयांची वाढ होऊन प्रतिकिलो चांदी विनाजीएसटी २ लाख ४५ हजार रुपये झाली होती. आज मार्केट उघडताच खरेदीदारांना दिलासा मिळाला. चांदीचे दर तब्‍बल प्रतिकिलो १५ हजार रूपयांनी स्वस्त होऊन २ लाख ३० हजार रूपयांवर आले आहेत. तर १ तोळा सोन्याच्या दरात ४ हजारांनी घसरण होऊन हे सोनं १ लाख ५० हजारावरून १ लाख ४६ हजार रूपयांवर आले आहेत.

१ तोळा सोन्याचे दर -

२९ मार्च - १ लाख ४५ हजार

३० मार्च - १ लाख ४५ हजार

३१ मार्च - १ लाख ४६ हजार

१ एप्रिल - १ लाख ५० हजार

२ एप्रिल - १ लाख ४६ हजार

१ किलो चांदीचे दर -

२९ मार्च - २ लाख ४० हजार

३० मार्च - २ लाख ४० हजार

३१ मार्च - २ लाख ४० हजार

१ एप्रिल - २ लाख ४५ हजार

२ एप्रिल - २ लाख ३० हजार