सध्या लगीनसराईचे दिवस सुरु आहेत. त्यात चार दिवसांवर अक्षय्य तृतीयादेखील आहे. अक्षय्य तृतीयेला अनेकजण सोने खरेदी करतात. जर तुम्हीही सोने खरेदी करण्याचा विचार करत असाल तर सोन्याचे भाव चेक करुन जा. गेल्या २-४ दिवसांपासून सोन्याचे भाव सातत्याने घसरत आहेत. आजदेखील सोन्याचे भाव घसरले आहेत. सोन्याचे भाव ३० रुपयांनी घसरले आहेत. गेल्या दोन दिवसांपासून सलग २ हजारांपेक्षा जास्त रक्कमेने सोन्याचे भाव घसरत आहेत. जाणून घ्या तुमच्या शहरातील आजचे भाव.

सोन्याचे दर प्रति तोळा (Gold Price Today)

गुडरिटर्न्स या वेबसाइटनुसार, आज २४ कॅरेट सोन्याची किंमत प्रतितोळा ९८,२१० रुपये आहे. आज सोन्याच्या भावात फक्त ३० रुपयांनी घसरण झाली आहे. ८ ग्रॅम सोन्याची किंमत ७८,५८६ रुपये आहे. आज २२ कॅरेट सोन्याची किंमत प्रति तोळा ९०,०२० रुपये आहे. यामध्येही ३० रुपयांनी घसरण झाली आहे. ८ ग्रॅम सोन्याची किंमत ७२,०१६ रुपये आहे.१८ ग्रॅम सोने प्रति तोळा ७३,६६० रुपये आहे. या किंमतीत २० रुपयांची घसरण झाली आहे. तर ८ ग्रॅम सोन्याची किंमत ५८,९२८ रुपये आहे.

चांदीच्या किंमतीत गेल्या अनेक दिवसांपासून कोणताही बदल झालेला नाही. ८ ग्रॅम चांदीची किंमत ८०७ रुपये आहे. १० ग्रॅम चांदीची किंमत १००९ रुपये आहे. १०० ग्रॅम चांदीची किंमत १०,०९० रुपये आहे.

सोन्यात केलेली गुंतवणूक फायद्याची की तोट्याची?

तज्ज्ञांच्या मतानुसार, सोन्यात केलेली गुंतवणूक ही फायदेशीर आहे. सोन्याचे भाव नेहमी वाढत जाणार आहेत. सध्या सोन्याचे भाव वाढलेले आहेत. यापुढेही भाव थोड्या-फार प्रमाणात कमी जास्त होतील. सोनं हे तुम्हाला बँकेच्या एफडीपेक्षा थोडं तरी जास्त परतावा देईल.