गेल्या काही दिवसांपासून सोन्याच्या किमतीमध्ये सतत बदल पाहायला मिळतोय. सध्या लग्नसराईचे दिवस सुरु असल्याने बाजारात मोठ्या प्रमाणात सोन्याची खरेदी केली जातेय. आज सोन्याच्या दरात वाढ झाली आहे. सोन्याचा भाव सलग दुसऱ्या दिवशी वाढल्याने ग्राहकांच्या चिंतेत मात्र भर पडली आहे.

मनी कंट्रोल वेबसाईटच्या माहितीनुसार, आज २४ कॅरेट सोने प्रति दहा ग्रॅम फक्त १० रुपयांनी महाग झाल्याची माहिती आहे. तर एक दिवस आधी म्हणजे काल सोन्याची किंमत २२०० रुपयांनी वाढली होती. याशिवाय आज सलग दुसऱ्या दिवशी एक किलो चांदी महाग झालीये. चांदीची किंमत 10 रुपयांनी वाढली आहे.

प्रमुख शहरांमध्ये सोन्याचे भाव

दिल्लीत २४ कॅरेट सोन्याची किंमत प्रति १० ग्रॅम ९७५८० रुपये आहे. याशिवाय २२ कॅरेटची किंमत प्रति १० ग्रॅम ८९४६० रुपये आहे. कोलकाता, चेन्नई आणि मुंबईत २२ कॅरेट सोन्याची किंमत प्रति १० ग्रॅम ८९३१० रुपये आहे, तर २४ कॅरेट सोन्याची किंमत प्रति १० ग्रॅम ९७४३० रुपये असल्याची माहिती आहे.

जयपूर आणि अहमदाबादमध्ये काय आहे सोन्याचा दर?

आजच्या दिवशी अहमदाबादमध्ये २२ कॅरेट सोन्याची किंमत प्रति १० ग्रॅम ८९३६० रुपये आहे. तर तर २४ कॅरेट सोन्याची किंमत प्रति १० ग्रॅम ९७४८० रुपये आहे. याशिवाय जयपूरमध्ये २२ कॅरेट सोनं ८९४६० रुपये आणि २४ कॅरेट सोनं प्रति १० ग्रॅम ९७५८० रुपये असल्याची माहिती आहे.

चांदीचा दर काय आहे?

दिल्लीमध्ये सलग दोन दिवसांत चांदीच्या किमतीत प्रति किलो ३१०० रुपयांची वाढ झाली आहे. आज २२ मे रोजी दिल्लीत चांदी १,००,१०० रुपये प्रति किलो दराने विकण्यात येतेय. तर मुंबई आणि कोलकातामध्ये चांदीची किंमत समान दराने विकली जातेय. चेन्नईमध्ये चांदीची किंमत १,११,१०० रुपये प्रति किलो असल्याची माहिती आहे.