Gold Rate Fall News : सोन्याच्या वाढत्या किंमतीला गेल्या काही दिवसांपासून ब्रेक लागला आहे. आठवडाभरात सोन्याच्या किंमतीत मोठी घसरण झाली आहे. आंतरराष्ट्रीय बाजारात आणि देशातही सोन्याची किंमती कपात झाल्या आहेत. एमसीएक्सनुसार, आठवडाभरात सोन्याची किंमत प्रति तोळा १९०० रूपयांनी कमी झाली आहे.

सोनं खरेदी करण्याचा तुम्ही विचार करत असाल तर तुमच्यासाठी खुशखबर आहे. गेल्या आठवड्यात सोन्याच्या किंमतीत मोठी घसरण झाली आहे. १० ग्राम २४ कॅरेट सोन्याच्या किंमतीमध्ये गेल्या आठवड्यात तब्बल १९०० रूपयांनी कपात झाली आहे. आंतरराष्ट्रीय बाजार आणि घरगुती बाजारात सोन्याची किंमत वाढून एक लाखांच्या पार गेली होती. त्यानंतर मागील आठवड्यात सोन्याच्या दराला ब्रेक लागला आहे. त्यामुळे सणासुदीच्या आधी सोन्याची किंमत घसरली आहे.

MCX वर प्रतितोळा सोन्याचा दर काय ?

मल्टी कमोडिटी एक्सचेंजवर (Gold Rate On MCX) सोन्याच्या किंमतीत घसरण पाहायला मिळत आहे. शुक्रवारी सोन्याच्या किंमतीत किंचितशी वाढ झाली होती. पण त्यानंतर शनिवारी पुन्हा सोन्याची किंमत घसरली. 999 शुद्ध असणारे सोनं प्रतितोळा 99,850 रुपये इतके झाले आहे. एमसीएक्सवर सोन्याची किंमत 1948 रुपयांनी कमी झाली आहे.

घरगुती मार्केटमध्ये सोन्याची किंमत किती?

घरगुत बाजारातही सोन्याच्या किंमतीत मोठा बदल झाला आहे. इंडियन बुलियन ज्वेलर्स असोसिएशनच्या संकेतस्थळ IBJA.Com नुसार, ८ ऑगस्ट रोजी एक तोळा सोन्याची किंमत 1,01,406 रुपये इतकी होती. त्यानंतर आठवडाभर सोन्याच्या किंमतीत घसरण पाहायला मिळाली. शुक्रवारी सोन्याचे दर प्रतितोळा 100023 रूपये इतके झाले होते. म्हणजे, सोन्याचे दर प्रति तोळा १००० रूपयांच्या आसपास घसरले आहे. घरगुती मार्केटमध्ये सोन्याची मागणी मोठ्या प्रमाणात आहे, त्यामुळे दर एक लाकांच्या पार गेल्याचे तज्ज्ञांनी सांगितली.

सोन्याचे दर (प्रति तोळा)

24 कॅरेट - 1,00,023 रुपये

22 कॅरेट - 97,620 रुपये

20 कॅरेट - 89,020 रुपये

18 कॅरेट - 81,020 रुपये

14 कॅरेट - 64,510 रुपये

इंडियन बुलियन ज्वेलर्सच्या वेबसाइटवर अपडेट केले जाणारे सोन्याचे दर देशभरात एकसमान असतात. पण वेगवेगळ्या राज्यांमध्ये आणि शहरांमध्ये 3 टक्के जीएसटी (GST On Gold) आणि मेकिंग चार्ज लागल्यानंतर त्याच्या किमती वाढतात. मेकिंग चार्ज वेगवेगळे असू शकतात.