Gold Price Today : सोनं आणि चांदीची खरेदी करण्याचा विचार करणाऱ्यांसाठी आनंदाची बातमी आहे. कारण आज सराफा बाजार उघडताच चांदी आणि सोन्याच्या किंमतीमध्ये मोठी घसरण पाहायला मिळाली. बुधवारी सराफा बाजार उघडताच २४ कॅरेट सोनं प्रति तोळा १३० रूपयांनी घसरलेय. प्रति १० तोळं सोनं एक हजार रूपयांपेक्षा जास्त स्वस्त झालं आहे. आंतरराष्ट्रीय बाजारातील घडामोडी, डॉलरच्या किंमतीमुळे सोन्याच्या दरात घसरण झाल्याचे समजतेय. आज चांदी देखील स्वस्त झाली आहे.

सोने आणि चांदीच्या किंमतीत सध्या बाजारात चढ-उतार पाहायला मिळत आहेत. राष्ट्रीय आणि आंतरराष्ट्रीय बाजारातील बदलांमुळे सोन्याचे दर काही शहरांमध्ये स्थिर, तर काही ठिकाणी थोडे वाढलेले दिसत आहेत. आज सराफा बाजार उघडताच 24 कॅरेट सोन्याचा भाव प्रति तोळा 99,760 रुपये इतका झाला. मंगळवारी हा भाव 99,890 रुपये होता. 22 कॅरेट सोन्याचा भाव 91,440 रुपये, तर 18 कॅरेट सोन्याचा भाव 74,820 रुपये आहे. चांदीचा भाव प्रति किलो 1,14,900 रुपये आहे.

कोणत्या शहरात किती किंमत ?

राजधानी दिल्ली :

२४ कॅरेट सोने: ₹९९,९१०

२२ कॅरेट सोने: ₹९१,५९०

१८ कॅरेट सोने: ₹७४,९४०

मुंबई, पुणे, चेन्नई, कोलकाता, बेंगळुरू :

२४ कॅरेट सोने: ₹९९,७६०

२२ कॅरेट सोने: ₹९१,४४०

१८ कॅरेट सोने: ₹७४,८२०

सोन्याचे दर कसे ठरवले जातात ?

सोने आणि चांदीचे दर आंतरराष्ट्रीय बाजारातील किंमतींवर आधारित असतात. भारतात IBJA आणि स्थानिक सराफा बाजार यांच्या आधारावर दर जाहीर केले जातात. सोने आणि चांदीच्या किंमती दररोज बदलतात आणि त्या ठरविण्यासाठी अनेक घटक महत्त्वाची भूमिका बजावतात. या किंमतींवर आंतरराष्ट्रीय आणि स्थानिक बाजारातील घडामोडींचा थेट परिणाम होतो. जागतिक बाजारात अनिश्चितता वाढते, तेव्हा गुंतवणूकदार शेअर बाजारापासून दूर राहून सोने आणि चांदीसारख्या सुरक्षित गुंतवणूक पर्यायांचा आधार घेतात, त्यावेळी सोन्याच्या दरात वाढ झालेली दिसून येते. डॉलरचे मूल्य कमी झाले, तर सोन्याचे दर वाढतात. रुपया कमकुवत झाला, तर सोन्याचे दर वाढतात.