शेतकऱ्यांचे उत्पन्न वाढवण्यासाठी आणि त्यांची आर्थिक स्थिती बळकट करण्यासाठी केंद्र सरकार अनेक योजना राबवत आहे. यामध्ये थेट आर्थिक मदत, वृद्धापकाळ निवृत्तीवेतन आणि शेतीसाठी सुलभ कर्ज यांसारख्या लाभांचा समावेश आहे. मात्र जनजागृतीच्या अभावामुळे अनेक पात्र शेतकरी अजूनही या योजनांचा पूर्ण लाभ घेऊ शकत नाहीत.

जर तुम्ही शेती करत असाल, तर आज आम्ही तुम्हाला अशा तीन सरकारी योजनांबद्दल सांगणार आहोत ज्या तुमच्यासाठी अत्यंत उपयुक्त ठरू शकतात. या योजना म्हणजे 'प्रधानमंत्री किसान सन्मान निधी योजना', 'प्रधानमंत्री किसान मानधन योजना' आणि 'किसान क्रेडिट कार्ड' (KCC), या योजना तुमच्यासाठी अत्यंत फायदेशीर ठरू शकतात.

पीएम किसान सन्मान निधी

देशातील शेतकऱ्यांसाठी असलेल्या अत्यंत लोकप्रिय योजनांपैकी ही एक योजना आहे. या योजनेअंतर्गत, जमीन धारण करणारे पात्र शेतकरी वार्षिक ६,००० रुपयांचे आर्थिक सहाय्य मिळवतात. ही रक्कम प्रत्येकी २,००० रुपयांच्या तीन समान हप्त्यांमध्ये थेट शेतकऱ्यांच्या बँक खात्यात जमा केली जाते.

प्रधानमंत्री किसान मानधन योजना

दुसरी योजना म्हणजे 'प्रधानमंत्री किसान मानधन योजना' होय. केंद्र सरकार ही योजना राबवते, ज्याचा उद्देश अल्पभूधारक आणि सीमांत शेतकऱ्यांना त्यांच्या वृद्धपकाळात आर्थिक सुरक्षा प्रदान करणे हा आहे. या योजनेअंतर्गत, पात्र शेतकऱ्यांना वयाची ६० वर्षे पूर्ण झाल्यावर ३,००० रुपये इतके मासिक निवृत्तीवेतन (पेन्शन) मिळते. या योजनेत सहभागी होताना शेतकऱ्याचे वय १८ ते ४० वर्षांच्या दरम्यान असणे आवश्यक आहे. त्यांच्याकडे जास्तीत जास्त २ हेक्टरपर्यंत लागवडीयोग्य जमीन असणे गरजेचे आहे.

किसान क्रेडिट कार्ड

तिसरी योजना म्हणजे 'किसान क्रेडिट कार्ड' होय. शेतीची कामे करताना शेतकऱ्यांना बियाणे, खते, सिंचन, कीटकनाशके, मजुरी आणि इतर कृषी-विषयक कामांसाठी मोठ्या प्रमाणावर निधीची आवश्यकता असते. या पार्श्वभूमीवर, किसान क्रेडिट कार्ड (KCC) शेतकऱ्यांना परवडणारी आणि सहज उपलब्ध होणारी कर्जे मिळवून देते.