ईपीएफओ कर्मचाऱ्यांसाठी महत्त्वाची बातमी आहे. ईपीएफओमधून आता कर्मचाऱ्यांना पीएफचे पैसे काढणे खूप सोपे झाले आहे. ईपीएफओने पैसे काढण्याचे नियम आणखी सोपे केले आहेत.याआधी पैसे काढण्यासाठी अनेक अटी होत्या. आता हे नियम सोपे केले असून तुम्ही फक्त ३ कॅटेगरीमध्ये पैसे काढू शकतात. दरम्यान तुम्ही कधी आणि किती पीएफ काढू शकतात हे जाणून घ्या.

ईपीएफचे उद्दिष्ट काय?

ईपीएफचे उद्दिष्ट कर्मचाऱ्यांचा रिटायरमेंट फंड तयार करणे आहे. सेवानिवृत्तीनंतर कर्मचाऱ्यांकडे एक ठरावीक रक्कम असावी, त्यामुळे ईपीएफमध्ये दर महिन्याला एक ठरावीक रक्कम जमा केली जाते. यामध्ये तुम्हाला व्याजदेखील मिळते. दरम्यान, आता ईपीएफओने पीएफ काढण्याचे नियम सोपे केले आहेत.

या कारणांसाठी काढू शकतात पैसे (PF Withdrawal Rules By EPFO)

सेवानिवृत्तीनंतर मिळतात पीएफचे पैसे

ईपीएफओच्या नियमाअंतर्गत रिटायरमेंटनंतर ईपीएफचे पैसे मिळतात. वयाच्या ५८ किंवा ६० वर्ष पूर्ण झाल्यानंतर तुम्हाला पैसे मिळतात. याचसोबत वॉलेंटरी रिटायमेंट, दिव्यांग किंवा परदेशात सेटल व्हायचे असेल तर पीएफचे पैसे काढू शकतात.

नोकरी सोडल्यावर काढू शकतात पैसे

नोकरी सुटल्यावर तुम्ही पीएफचे पैसे काढू शकतात. परंतु सर्व पैसे एकाच वेळी मिळणार नाही. तुम्ही नोकरी सुटल्यानंतर ७५ टक्के रक्कम काढू शकतात. यानंतर जेव्हा तुम्ही १ वर्षभर बेरोजगार असाल तेव्हा २५ टक्के रक्कम काढू शकतात.

घर, वैद्यकीय गोष्टींसाठी काढू शकतात पैसे

तुम्ही घर खरेदी करण्यासाठी पीएफमधील पैसे काढू शकतात. ५ वर्ष पूर्ण झाल्यानंतर कर्मचारी ९० टक्के रक्कम काढू शकतात. होम लोन रीपेमेंटसाठी १० वर्ष नोकरी करावी लागते. घराचे बांधकाम करण्यासाठी पैसे काढू शकतात. याचसोबत जर कोणती मेडिकल इमरजन्सी असेल तर तुम्ही पैसे काढू शकतात.