कोट्यवधी कर्मचाऱ्यांच्या सुविधेसाठी ईपीएफओची प्रक्रिया अधिक सुलभ करण्यात आलीय. ईपीएफओनं आता थेट कर्मचाऱ्यासाठी 'फेस ऑथेंटिकेशन'चं तंत्रज्ञान आणलंय. यासाठी कंपनीवर अवलंबून राहण्याची गरज नाही. जर तुम्ही नोकरी बदलली, तर जुन्या कंपनीतून पैसे ट्रान्सफर करण्यासाठी पूर्वीच्या कंपनीच्या मंजुरीची गरज नाही; हे काम आता 'वन एम्प्लॉई - वन ईपीएफ खाते' या धोरणांतर्गत ऑटोमॅटिक होणार. ही प्रक्रिया कशी असणार ते पाहूयात...

सेल्फी काढा, EPFचं खातं उघडा

1. कर्मचाऱ्याचं सेल्फीद्वारे फेस ऑथेंटिकेशन होणार

2. UAN नंतर स्वत:च जनरेट करता येणार

3. एप्रिलपासून UPI द्वारे 5 लाख रुपयांपर्यंतची रक्कम काढता येणार

4. कर्मचाऱ्याला ऑटो-क्लेम सेटलमेंट करता येणार

फेस ऑथेंटिकेशनचा सर्वात मोठा फायदा पेन्शनधारकांना होणारेय कारण दरवर्षी नोव्हेंबरमध्ये 'हयातीचा दाखला' देण्यासाठी बँकेत जावे लागायचे. पण आता घरबसल्या स्मार्टफोनवरून चेहरा स्कॅन करून व्हेरिफिकेशन करू शकतात. या सुविधेमुळे सर्वांच्याच वेळेची बचत होणार आहे.