ईपीएफओ कर्मचाऱ्यांसाठी महत्त्वाची बातमी आहे. ईपीएफओ कर्मचाऱ्यांना पीएफ काढणे आणखी सोयीस्कर होणार आहे. ईपीएफओ सिस्टीम आता पूर्णपणे डिजिटल आणि स्मार्ट झाली आहे. ईपीएफओसंबंधित सर्व कामे आता ऑनलाइन होणार आहेत. EPFO 3.0 सेवा लवकरच सुरु केली जाणार आहे. दरम्यान, या सुविधेमुळे सर्व कामे सोपी आणि जलद गतीने होणार आहेत.

८ दिवसात येणार पीएफचे पैसे (PF Withdrawal in Just 8 Days)

केंद्र सरकारने याबाबत माहिती दिली आहे. आता ऑनलाइन ईपीएफ क्लेम केल्यानंतर ८ दिवसात खात्यात पैसे जमा होणार आहेत. तुमची सर्व माहिती बरोबर असेल, KYC झाली असेल तर तुम्हाला लवकरच पैसे मिळणार आहे. यासाठी एक आठवड्याभराचा वेळ पुरेसा आहे.

पीएफ काढण्यासाठी वाट पाहायची गरज नाही

याआधी ईपीएफचे पैसे येण्यासाठी अनेक महिने वाट पाहावी लागायची. अनेकदा नियोक्त्याची मंजुरी येण्यास उशिर व्हायचा त्यामुळे पैसे जमा व्हायचे नाहीत. मात्र, आता EPFO 3.0 मुळे ही प्रक्रिया खूप सोपी झाली आहे. तुम्हाला अर्जदेखील ऑनलाइन करायचा आहे आणि तुमचे पैसेदेखील ऑनलाइन पद्धतीने जमा होणार आहे.

सरकारने दिलेल्या माहितीनुसार, २०२५-२६ मध्ये २३ जानेवारीआधी ८.५३ कोटींपेक्षाही जास्त कर्मचाऱ्यांनी पीएफ क्लेम होते.या संख्येत वाढ होत आहे.

नियोक्त्याच्या मंजुरीची गरज नाही

EPFO 3.0 चा सर्वाधिक फायदा केवायसी केलेल्या कर्मचाऱ्यांना मिळणार आहे. त्यांना नियोक्त्याच्या मंजुरीशिवाय ऑनलाइन क्लेम करता येणार आहे. ज्यांनी नोकरी बदलली आहे आणि त्यांचा जुन्या कंपनीशी संपर्क होत नाही या कर्मचाऱ्यांना खूप अडचणी यायच्या. परंतु आता कर्मचारी स्वतः पोर्टलवरुन हे काम करु शकणार आहेत.