केंद्र सरकारने नागरिकांसाठी अनेक योजना राबवल्या आहेत. केंद्र सरकारने असंघटित क्षेत्रात काम करणाऱ्या नागरिकांसाठी खास योजना राबवली आहे. सरकार असंघटित क्षेत्रात काम करणाऱ्या नागरिकांसाठी ६० वर्षानंतर ३००० रुपयांची पेन्शन मिळणार आहे.

ई-श्रम योजनेअंतर्गत असंगठित क्षेत्रात काम करणाऱ्या नागरिकांना विमा कव्हरसोबत महिन्याला पेन्शनदेखील मिळते. यासाठी प्रत्येक कामगाराला युनिक डिजिटल कार्ड दिले जाते. त्यामुळे त्या कामगारांची वेगळी ओळख रजिस्टर होते. (E-Shram Card News)

ई-श्रम कार्ड नक्की आहे तरी काय? (What Is E-Shram Card)

संगठित क्षेत्रात काम करणाऱ्या प्रत्येक कर्मचाऱ्याला सेवानिवृत्तीनंतर पेन्शन मिळते. EPFO आणि ESIC अंतर्गत त्यांना ही पेन्शन दिली जाते. परंतु जे लोक EPFOशी जोडले गेलेले नाही. त्यांच्यासाठी ही योजना आहे. या योजनेत नागरिकांना सेवानिवृत्तीनंतर दर महिन्याला ३००० रुपये दिले जातात.

या योजनेचा लाभ घेण्यासाठी तुम्ही ऑनलाइन पद्धतीने अर्ज करु शकतात.१६ ते ५९ वयोगटातील उमेदवार या योजनेत अर्ज करु शकतात.

ई-श्रम कार्ड कसं बनवावे? (How To Make E-Shram Card)

• ई-श्रम कार्ड बनवण्यासाठी तुम्हाला https://eshram.gov.in/ कार्ड बनवावे लागते.

• होमपेजवर जाऊन तुम्ही रजिस्टर eShram ऑप्शनवर क्लिक करा.

• यानंतर तुम्हाला आधार कार्डशी लिंक मोबाईल नंबर आणि कॅप्चा कोड टाकावा लागेल.

• यानंतर तुम्हाला काही प्रश्न विचारले जातील त्याची माहिती द्यावी लागेल.

• यानंतर तुमचा पत्ता आणि शैक्षणिक माहिती द्यावी लागणार आहे.

• यानंतर कौशल्याचे नाव, बिझनेस, तुम्ही कोणते काम करता तो ऑप्शन सिलेक्ट करावा लागले.

• यानंतर self-declaration फॉर्म सिलेक्ट करावा लागेल.

• यानंतर फॉर्म भरुन सबमिट करायचा आहे. यानंतर तुमचे ई-श्रम कार्ड तयार होणार आहे. तुम्ही हे डाउनलोड करु शकतात.