आयुष्यात प्रत्येक व्यक्तीचे काही न काही स्वप्न असते. हे स्व्पन पूर्ण करण्यासाठी खूप मेहनत करावी लागते. अशीच मेहनत रेनू राज यांनी केली. त्या पहिल्या डॉक्टर झाल्या. डॉक्टर झाल्यानंतर त्यांनी यूपीएससी परीक्षा देण्याचा निर्णय घेतला. त्यांनी डॉक्टर असूनही स्पर्धा परीक्षा दिली अन् त्यात यश मिळवलं. (Success Story)

रेनू राज या मूळच्या केरळच्या रहिवासी. त्यांनी केरळच्या कोयट्टममधील एका शाळेतून शालेय शिक्षण पूर्ण केले. त्यानंतर त्या सर्जन म्हणून कार्यरत झाल्या. परंतु त्यांनी सर्जनचे काम करता करता यूपीएससी परीक्षेची तयारी केली.त्यांनी या परीक्षेत यशदेखील मिळवलं. (Success Story of IAS Renu Raj)

केरलच्या कॅडरमधून रेनू राज या आयएएस अधिकारी म्हणून कार्यरत झाल्या. त्यांनी ऑल इंडिया रँकमधून दुसरा क्रमांक मिळवला. डॉ. रेनू राज यांचे नाव सर्वात उत्तम कामगिरी करणाऱ्या आयएएस अधिकाऱ्यांमध्ये येते. त्यांचे वडिल रिटायर्ड ऑफिसर आहेत. तर आई गृहिणी आहेत. रेनी यांच्या दोन्ही बहिणी डॉक्टर आहेत. (Doctor To IAS Journey Of Renu Raj)

डॉक्टर रेनू राज यांनी एका मुलाखतीत सांगितले होते की, त्यांना जास्तीत जास्त लोकांची मदत करायची आहे. परंतु डॉक्टर बनून ५० किंवा १०० रुग्णांचीच मदत करु शकणार होत्या. परंतु आयएएस अधिकारी झाली तर हजारो लोकांची मदत करेन असा विचार त्यांच्या मनात आला त्यामुळे त्यांनी आयएएस अधिकारी होण्याचा निर्णय घेतला.

रेनू यांनी खूप कमी वयात हे यश मिळवलं आहे. त्यांनी डॉक्टर असतानाही स्पर्धा परीक्षा देण्याचा निर्णय घेतला आणि पहिल्याच प्रयत्नात यशदेखील मिळवलं. त्यांचा हा प्रवास सर्वांसाठीच प्रेरणादायी आहे.